गाउँपालिका अध्यक्ष जेल चलान, यस्तो छ कारण

काठमाडौं । बारा जिल्लाको विश्रामपुर गाउँपालिकाका अध्यक्ष पक्राउ परेका छन् । पक्राउ गरिएका गाउँपालिका अध्यक्ष अमिरी राउत भेडिहरलाई आज नै जेल चलान गरिएको छ ।

राउतले १३ वर्ष अघि चलाएको मोटरसाइकलले ठक्कर दिएर ६५ वर्षीया हसियादेवी चौधरीको उपचारका क्रममा मृत्यु भएको थियो । जिल्ला अदालत बाराले २०६३ भदौ २९ गतेको फैसला अनुसार सवारी ज्यान मुद्दामा उनलाई २९ दिन कैद र २ हजार रुपैयाँ जरिवना सुनाइसकेको थियो ।

अहिले बारामा फरार अभियुक्त समात्ने अभियान चलिरहेको र सोही क्रममा पुरानो मुद्दामा अध्यक्ष अमिरीलाई पक्राउ गरिएको बाराका प्रहरी उपरीक्षक विकासराज खनालले जानकारी दिनुभयो । विश्रामपुर गाँउपालिका (३ बस्ने जुगलाललाई कैद भुक्तानको लागि वीरगंज कारागार पठाइएको बारा प्रहरीले जनाएको छ।

राउतलाई आज विहान ११ बजे पक्राउ गरी जिल्ला अदालतमा पेश गरिएको थियो।