तपाईं सुत्ने क्रममा नाइट क्रिम लगाउँदा तपाईंको छालामा चमत्कारिक फाइदा पुर्याउँदछ ।
सबैका लागि शरीरको महत्वपूर्ण अंग भनेको छाला हो र यो सौन्दर्य प्रदान गर्ने एउटा महत्वपूर्ण अंग मानिन्छ । यदि तपाईंको छाला एकदम फ्रेस र चमकदार देखिन्छ भने यसमा तपाईंले केही न केही कार्य गर्नुभएको पक्कै हुन्छ ।
आफ्नो छालालाई जवान देखाउन चाहनुहुन्छ र बुढ्यौलीको प्रकृयालाई सुस्त बनाउन चाहनुहुन्छ भने, राम्री बन्नको लागि नाइट क्रिम बरदान हुनसक्छ ।
त्यसोभए यो नाइट क्रिमले कसरी काम गर्छ त ? के यिनिहरु साँच्चैको लाभदायक छन् त ? दिनमा लगाउने क्रिमभन्दा राम्रा हुन्छन् त ? यस्ता प्रश्नहरु मानिसको दिमागमा आउन सक्छन् ।
तर, यहाँ यकिनका साथ भन्न सकिन्छ कि नाइट क्रिम निकै लाभदायक हुन्छन् । यसले छालालाई नरम बनाउन मद्दत गर्छ ।
राती सुत्नुभन्दा अगाडि लगाउने क्रिम भएको भएर यसलाई नाइट क्रिम भनिएको हो । नाइट क्रिम लगाएपछि बिहान उठ्दाखेरी आफ्नो छाला नरम, मुलायम महसुस गर्नुहुनेछ ।
दिउँसो लगाउने क्रिमभन्दा यो बाक्लो हुन्छ र यो छालाको भित्रसम्म जाने हुँदा छालालाई चमक प्रदान गर्दछ र यसको भिटामिन र एन्टि एजिङ्ग पदार्थले छालालाई जवान र चाउरीपनारहित बनाउँछ ।
यसका साथसाथै, सुत्दाखेरी तपाईंले फेर्ने गहिरो श्वासले पनि नयाँ तन्तु उत्पादन गर्न मद्दत गर्दछ ।
यो खबर पढेर तपाईलाई कस्तो महसुस भयो ?
प्रतिक्रिया