लागुऔषधसहित दुई पक्राउ

काठमाडौं । मकवानपुर प्रहरीले भीमफेदी गाउँपालिका-२ भैँसेबाट १० किलो २५० ग्राम लागूऔषध चरेससहित दुई जनालाई पक्राउ गरेको छ ।

पक्राउ पर्नेमा बारा पचरौटा नगरपालिका-७ बस्ने अरविन्दकुमार पटेल र आदर्श कोतवाल गाउँपालिका-१ बस्ने सुल्तान मियाँ अन्सारी रहेका छन् ।

उनीहरुलाई प्रहरी चौकी भैँसेबाट प्रहरी नायब निरीक्षक दिलीपकुमार सिंहको नेतृत्वमा खटिएको प्रहरी टोलीले पक्राउ गरेको हो ।

भीमफेदीबाट हेटौँडातर्फ आइरहेको बा ४० प ७२४० नं को पल्सर मोटरसाइकल जाँच गर्ने क्रममा मोटरसाइकल चालक पटेल र मोटरसाइकलमा सवार अन्सारीले बीचमा राखी ल्याएको उक्त परिमाणको चरेस फेला परेपछि प्रहरीले उनीहरुलाई नियन्त्रणमा लिएको हो ।

यो खबर पढेर तपाईलाई कस्तो महसुस भयो ?