१५ मंसिर २०७६, आईतवार ११:५१

विश्व एड्स दिवस : एचआइभी सङ्क्रमण दर घट्दो क्रममा


प्रकाशित मिति : १५ मंसिर २०७६, आईतवार ११:५१

काठमाडौं । अछाममा एचआइभी सङ्क्रमण दर घट्दो क्रममा रहेको पाइएको छ । स्वास्थ्य कार्यालयका अनुसार पछिल्ला वर्षमा जिल्लामा नयाँ सङ्क्रमित पत्ता लाग्ने दर घट्दै गइरहेको हो ।

विगत ११ वर्षको तथ्याङ्कअनुसार जिल्लामा एचआइभी एड्सका नयाँ बिरामी फेला पर्ने दर निकै सुधारोन्मुख रहेको स्वास्थ्य कार्यालयले जनाएको छ ।

आर्थिक वर्ष ०६४/६५ मा ३४३ नयाँ सङ्क्रमित फेला परेकामा आर्थिक वर्ष ०७५/७६ मा ४३ जना मात्रै नयाँ बिरामी पत्ता लागेका स्वास्थ्य कार्यालयका प्रमुख झनकराज ढुङ्गानाले बताउनुभयो । उहाँका अनुसार आर्थिक वर्ष ०७४÷७५ मा सबैभन्दा कम १९ मात्र नयाँ सङ्क्रमित भेटिएका थिए ।

अछाममा आर्थिक वर्ष ०६५/६६ मा २२२, आव ०६६/६७ मा ९३, आव ०६७/६८ मा १३०, आव ०६८/६९ मा ९९, आव ०६९/७० मा ८६, आव ०७०/७१ मा ८१, आव ०७१/७२ मा ७३, आव ०७२/७३ मा ६६ र आव ०७३/७४ मा ६७ नयाँ एचआइभी सङ्क्रमित भेटिएका स्वास्थ्य कार्यालयको तथ्याङ्क छ ।

तथ्याङ्कअनुसार जिल्लामा हाल एक हजार ५६७ एचआइभी सङ्क्रमित पत्ता लागेका छन् । पत्ता लागेका बिरामी पछिल्लो समय कहीँ पनि नभेटिएकाले दोहोरिएर आउने बिरामी बढी भएका हुनसक्ने ढुङ्गानाले बताउनुभयो । उहाँका अनुसार अहिले ३७७ महिला र २६१ पुरुष सङ्क्रमित नियमित एआरटी सेवन गरिरहेका छन् । मङ्गलसेन र बयालपाटामा रहेका केयर सेन्टरमार्फत उनीहरुले एआरटी सेवन गरिरहेका जनाइएको छ ।

एआरटीका कारण आफूलाई निकै सहज भएको एकजना सङ्क्रमितले बताउनुभयो । समाजले अपहेलना गर्ने गरेका कारण आफूहरुलाई खुल्न अप्ठ्यारो भए पनि राज्यबाट प्रदान सेवाले आफू जस्ताको दीर्घजीवनमा टेवा पुगेको उहाँको भनाइ छ । कुनै बेला एचआइभी सङ्क्रमणका कारण बदनाम भएको अछामका लागि नयाँ बिरामी भेटिने क्रम घट्दै जानु सुखद लक्षण भएको स्वास्थ्य कार्यालयका जनस्वास्थ्य निरीक्षक झपट ढुङ्गानाको भनाइ छ ।

यसबारे जनचेतनासहित बिरामी खोज्न विभिन्न स्थानमा शिविरसमेत चलाइने गरेको उहाँले बताउनुभयो । जिल्लामा एचआइभी सङ्क्रमित भएकामध्ये पुरुष १२८ र महिला ५७ गरी १८५ को मृत्यु भइसकेको स्वास्थ्य कार्यालयको तथ्याङ्क छ । रासस

प्रतिक्रिया दिनुहोस
सहि निर्णय कसरी लिने ? ६ कुरा जाने सफलता चुम्न सकिन्छ

काठमाडौं – धेरै मानिसहरु निर्णय लिँदा निकै अल्मलिन्छन् । हतार गर्छन् । अतालिन्छन्

निन्द्रा लागेन ? अपनाउनुहोस् यी टेक्निक !

‘तपाई लामो र स्वस्थ जीवन चाहनुहुन्छ भने मीठो निद्रामा समय खर्च गर्नुहोस्’ निन्द्रा

रातिको खानपीन : के खाने के नखाने ? चिकित्सक भन्छन्, कफि र दही बन्दै गर्नुस् !

खाना खाने सवालमा हरेक व्यक्तिको आ – आफ्नो आनीबानी हुन्छ । कोहि धेरै

ओपिसी सिमेन्टको गुणस्तरका बारेमा सरकारले लिएको निर्णय सच्याउन विज्ञको सुझाव

काठमाडौं । नेपाल सरकारले ओपिसी सिमेन्टको गुणस्तरका सम्बन्धमा लिएको पछिल्लो निर्णयबाट पूर्वाधार निर्माणमा