विवाह पञ्चमी र गढीमाई मेलाको अवसरमा दुई दिन विदा

काठमाडौं । प्रदेश २ सरकारले दुई दिन सार्वजनिक विदा दिएको छ । विवाह पञ्चमी र गढीमाई मेलाको अवसरमा सरकारले विदा दिएको हो ।

मुख्यमन्त्री तथा मन्त्री परिषद्को कार्यालयले सूचना निकालेर सीताराम विवाह पञ्चमी महोत्सवको अवसरमा मंसिर १५ गते र गढीमाई मेलाका अवसरमा मंसिर १७ गते गरी दुईदिन विदा दिएको हो ।

प्रत्येक वर्ष मंसिर शुक्ल पञ्चमीमा जनकपुरमा भव्यताकासाथ राम–सीता महोत्सवको मनाइँदै आएको छ। विवाह पञ्चमीको विदा प्रदेश सरकारले राजपत्रमै प्रकाशित गरी क्यालेण्डरमै उल्लेख गरेको छ।