१ मंसिर २०७६, आईतवार १३:१८

राजस्व प्रणालीमा करको कुरा नगर्ने हो भने हामी अत्याधिक ऋणको बाटोमा जान्छौं : अर्थमन्त्री खतिवडा


प्रकाशित मिति : १ मंसिर २०७६, आईतवार १३:१८

काठमाडौं । अर्थमन्त्री डा. युवराज खतिवडाले उद्योग व्यवसायका लागि छिट्टै सहज वातावरण निर्माण हुने बताउनुभएको छ ।

अर्थमन्त्री खतिवडाले मुलुकलाई अत्याधिक ऋणको चापबाट मुक्त गराउन सरकारले कर नीति लिँदा केही अप्ठयारो भएपनि उद्योग व्यवसायका लागि छिट्टै सहज वातावरण बन्ने बताउनुभएको हो ।

उहाँले मुलुकलाई अत्याधिक ऋणको मारबाट मुक्त गराउन आफूले करसम्बन्धि अलोकप्रिय नीति लिनु परेको पनि पटक–पटक दोहो-याउनु भयो । ‘राजस्व प्रणालीमा करको कुरा नगर्ने हो भने हामी अत्याधिक ऋणको बाटोमा जान्छौं,’ कर दिवसको अवसर पारेर आईतबार काठमाडौंमा आयोजित एक कार्यक्रममा अर्थमन्त्री खतिवडाले भन्नु भयो, ‘अत्याधिक ऋणको चापले मुलुकलाई संकटमा फसाउने हुनाले आफूको मुलुकको दीर्घकालीन हितका लागि करसम्बन्धि अलोकप्रिय निर्णय लिनु परेको हो ।’

अर्थमन्त्री खतिवडाले मुलुकको अर्थतन्त्र अध्यारोबाट उज्यालोतर्फ अघि बढिरहेकाले केही समस्या हुन सक्ने उल्लेख गर्दै त्यसलाई सल्टयाउँदै लैजाने बाटोबाट सरकार अघि बढिरहेको पनि बताउनुभयो ।

अर्थमन्त्री खतिवडाले व्यवसायीहरुलाई मुलुकप्रति जवाफदेही बनाउने गरी कर कानुन लागू गरिएको पनि दोहो-याउनुभयो । उहाँले मुलुकको अर्थतन्त्रलाई सवल, आत्मनिर्भर र सुदृढ बनाउने गरी कर नीति लिएकाले दक्षिण एशीयामा नेपाल सबैभन्दा कम ऋण भएको मुलुकको रुपमा पहिचान बनाउन सफल भएको पनि स्मरण गराउनुभयो ।

प्रतिक्रिया दिनुहोस
कोहलपुर प्रकरणमा बोल्यो काँग्रेस

आइतबार बाँकेको कोहलपुरमा भएको घटनाप्रति काँग्रेसले आफ्नो गम्भीर ध्यानाकर्ष भएको जनाएको छ ।

घटना विशेषलाई लिएर सरुवा तथा बढुवा सम्बन्धी विधेयक ल्याउन हुँदैनः मन्त्री त्रिपाठी

काठमाडौं । संघीय मामिला तथा सामान्य प्रशासन मन्त्री हृदयेश त्रिपाठीले घटना विशेषलाई लिएर

नेकपाको सचिवालय बैठक : के भयो निर्णय ?

काठमाडौं । नेकपाको आज बसेको सचिवालय बैठकले मंसिर २९ र ३० गते काठमाडौंमा

राष्ट्रियसभा निर्वाचन : माघ ७ देखि ११ गतेभित्र हुने

काठमाडौं । राष्ट्रियसभाका रिक्त सदस्य पदका लागि आगामी माघ ७ देखि ११ गतेभित्र