२०७८,असार,८,मंगलवार

पञ्चायत विरुद्धको आन्दोलनमा भूमिगत रूपमा बस्ने थलाे कीर्तिपुर थियो : प्रचण्ड


काठमाडौं । सत्तारूढ नेपाल कम्युनिष्ट पार्टी (नेकपा) का अध्यक्ष पुष्पकमल दाहालले कीर्तिपुर आउँदा माइतीघर नै आएजस्तो लाग्ने बताउनुभएको छ । शनिबार कीर्तिपुरको पाँगामा रहेको जनसेवा माध्यामिक विद्यालयमा नवनिर्मित भवन उद्घाटन गर्दै अध्यक्ष दाहालले भन्नुभयो, ‘कीर्तिपुर आउँदा, अझ पाँगा आउँदा मलाई माइती आएजस्तो लाग्छ । मेरो माइतीघर नै हो भन्याजस्तो लाग्छ ।’

उहाँले आफू २०/२२ वर्षको उमेरमा कीर्तिपुरमा बसेकोले भावनात्मक सम्बन्ध पनि रहेको बताउनुभयो ।

‘तानाशाही पञ्चायतको आन्दोलनको बेलामा भूमिगत रूपमा बस्ने, प्रशिक्षणहरू चलाउने, संगठन बनाउने र जनतासँग अन्तक्र्रिया गर्ने थलो पाँगा, कीर्तिपुर थियो,’ अध्यक्ष दाहालले भन्नुभयो ।

साथै उहाँले पहिलो संविधानसभा निर्वाचनमा पनि आफू कीर्तिपुरबाट विजयी भएर गणतान्त्रिक मुलुकको पहिलो प्रधानमन्त्री बनेको स्मरण गर्नुभयो ।

‘पहिलो संविधानसभामा निर्वाचन लड्ने थलो पनि मेरो कीर्तिपुर नै हुन आइपुग्यो । निर्वाचित भएर गणतन्त्र नेपालको पहिलो प्रधानमन्त्री हुने अबसर प्राप्त भयो,’ उहाँले भन्नुभयो ।

प्रकाशित मिति: २०७६,आश्विन,४,शनिवार १३:५२


प्रतिक्रिया दिनुहोस !
सम्बन्धित खबरहरु

काठमाडौं । प्रधानमन्त्री केपी शर्मा ओलीले पछिल्लो पटक गरेको मन्त्रिपरिषद् विस्तारको विरुद्ध परेको रिटमा सर्वोच्चले अन्तरिम आदेश जारी गरेको छ

काठमाडौं । सर्वोच्च अदालतले कर्णाली प्रदेश सभाका सांसदलाई पुनर्बहाली गर्ने आदेशविरुद्ध प्रधानमन्त्री समेत रहेका नेकपा एमालेका अध्यक्ष केपी शर्मा ओलीले

काठमाडौं । उपप्रधान एवम् शहरी विकासमन्त्री राजेन्द्र महतोले सिन्धुलाल्चोकका बाढीपीडितहरुसँग भेटघाट गरेको छन् । आज उपप्रधानमन्त्री महतोले सिन्धुपाल्चोकको मेलम्ची र

काठमाडौं । सर्वोच्च अदालतले ६५ वर्ष माथिका वृद्धवृद्धाहरुलाई कोरोनाविरुद्धको खोपको व्यवस्था गर्न परेको रिटमा अन्तरिम आदेश जारी गरेको छ ।

सेनाद्वारा काठेपुल निर्माण
 २०७८,असार,८,मंगलवार १६:२४