काठमाडौं । युनाइटेड अरब इमिरेट्स युएइ अर्थात दुबईमा नेपालबाट हरियो तरकारी निर्यात हुन थालेको छ । यस भन्दा पहिलेपनि कतारमा नेपालबाट ठुलो परिणाममा हरियो तरकारीहरु निर्यात हुदैँ आएको थियो ।
नेपालबाट कतारमा तरकारी निर्यात गर्दै आउनुभएका व्यबसायी कल्याण घिमिरेले दुबैमा पनि तरकारी निर्यात गर्नुभएको हो । दुबईको सफारी मलका लागि नेपालबाट पहिलोपटक ३२ सय किलो फलफूल तथा तरकारी गत सेप्टेम्बर ४ मा उडाइएको घिमिरेले जानकारी दिनुभयो । यस्तै, सेप्टेम्बर १० मा १७ सय किलो हरियो तरकारी तथा फलफूल दुबई पठाइयो । हरेक साताको मंगलबार वा बुधबार नेपालबाट दुवईका लागि तरकारी तथा फलफूल पठाउने गरिएको छ ।
दुबइको सफारी मलमा पठाइएको तरकारीको मुल्यपनि राम्रै पाउने गरिएको छ । डल्ले खुर्सानी, तामा, टाटेसिमी, लौका, करेला, कांक्रो, मुला, घिउसिमी, लाम्चो खुर्सानी र हरियो मकै अहिले पठाइँदै आएको छ । व्यवसायी घिमिरेका अनुसार डल्ले खुर्सानीको मूल्य प्रतिकिलो दुबईमा २५ दिराम पर्छ । यस्तै तामा १८ दिराम र टाटेसिमिको मूल्य ७ दिराम तोकिएको छ ।
दुबईको सफारी मलमा नेपालबाट आएको गुन्द्रुकको प्रतिकिलो औसत मूल्य ३५ दिराम, हरियो खुर्सानी प्रतिकिलो ११, करेला १०, घिउसिमी १२, सेतो मुला १२, र काँक्रोको मूल्य १० दिराम छ । दिनानुदिन दुबईमा नेपाली फलफूल तथा तरकारीको माग बढेको घिमिरेको भनाइ रहेको छ ।
यसैगरि नेपालले तरकारीमा मात्र नभएर अन्य बस्तुहरुको निर्यातमा जोड दिइने हो भने आर्थिक रुपमा नेपालले छिट्टै नै ठुलो फड्को मार्ने देखिन्छ ।
यो खबर पढेर तपाईलाई कस्तो महसुस भयो ?
प्रतिक्रिया