काठमाण्डौं, २७ भदौ ।डिआइजी नवराज सिलवालले आफूलाई आइजी बनाउन दायर गरेको रिट सर्वोच्च अदालतले खारेज गरेको छ । डिआइजी नवराज सिलवालले आफूलाई प्रहरी महानिरीक्षक बनाउन दायर गरेको रिट सर्वोच्च अदालतको बृहद् पूर्ण इजलासले आज खारेज गरेको हो ।सर्वोच्चले रिट खारेज गरेसँगै सरकारको प्रकाश अर्याललाई आइजी बनाउने निर्णय सदर भएको छ ।सर्वोच्चको फैसलामा कार्यसम्पादन मूल्याङ्कनमा प्रकाश अर्याल नै नवराज सिलवालभन्दा अघि देखिएको उल्लेख छ । यसअघिको फैसलामा भने सिलवाल अघि रहेको उल्लेख थियो ।आजको फैसलामा अर्यालको कार्यसम्पादन मूल्याङ्कन नम्बर ५४.२ रहेको उल्लेख छ भने सिलवालको ५२.४ मात्र छ।प्रधानन्यायाधीश गोपाल पराजुलीसहित ७ सदस्यीय बृहत पूर्ण इजलासमा मुद्दाको सुनुवाइ भएको थियो ।
