नेपाल र उज्वेकिस्तान उपाधिका लागि भिड्दै, आज पनि नायक बन्लिन् त साम्बा ?


प्रकाशित मिति : २६ भाद्र २०७६, बिहीबार १०:५८

काठमाडौं । किर्गीस्तानमा जारी सादेझ्दा कप फुटबल प्रतियोगिताको फाइनलका लागि आज नेपालले उज्वेकिस्तानको सामना गर्दैछ ।

काराकोलस्थित सेन्ट्रल स्टेडियममा हुने खेल नेपाली समय अनुसार अपरान्ह पौने ४ बजे सुरु हुनेछ । नेपाल पहिलो पटक फाईनल सम्मको यात्रा तय गरेको हो ।

तर फाईनलमा नेपालले फिफा वरियतामा आफुभन्दा निकै माथि रहेको उज्वेकिस्तानसंग प्रतिस्पर्धा गर्नेछ । फिफा बरियतमा नेपाल १ सय १ औ र उज्वेकिस्तान ४४ औ स्थानमा रहेको छ ।

पहिलो पटक अन्तराष्ट्रिय उपाधि जित्ने अभियानमा रहेको नेपाललाई समुह चरणमा उज्वेकिस्तानसंग ब्यहोरेको हारको बदला लिने अवसर समेत प्राप्त छ ।

समुह चरणको खेलमा उज्वेकिस्तानले नेपाललाई २-० ले हराएको थियो । गोलरक्षक र डिफेन्डरले बारम्बार गल्ती गर्दा नेपाल पराजित हुन पुगेको थियो ।

टोलीमा १८ खेलाडी र ५ अफिसियल सहित किर्गीस्तान पुगेका मुख्य प्रशिक्षक हरि खड्काले बारम्बार कमजोर देखिएको गोलरक्षक र डिफेन्समा सुधार गर्न सकेका छैनन् । नेपाल फाइनल खेलमा सुधार गर्दै अन्तराष्ट्रिय भुमीमा ईतिहास रच्ने दाउमा हुनेछ ।

फिफा बरियतानै नपाएको किर्गीस्तानले पहिलो पटक चार टिमलाई सहभागीता गराउँदै नादेझ्दा कप आयोजना गरेको हो ।

राउण्ड रोविनका आधारमा खेलाईएको प्रतियोगितामा शीर्ष दुई उपाधिका लागि भिड्न लागेका हुन् । नेपालले प्रतियोगिताको पहिलो खेलमा आयोजकलाई ८-२ गोल अन्तरले पराजित गरेको थियो । दोस्रो खेलमा उज्वेकिस्तानसँग २-० गोल अन्तरले हारेको थियो । अन्तिम खेलमा ताजकिस्तानलाई १-० ले हराउँदै फाईनल यात्रा तय गरेको थियो ।

प्रतियोगितामा नेपालकी सावित्रा भण्डारीले ५ गोल गरेकी छिन् । पहिलो खेलमा ह्याट्रिक सहित चार गोल गरेकी उनले अन्तिम खेलमा समेत एक गोल गर्न सफल भएकी थिइन् ।

नेपालमै आयोजना हुने १३ औं दक्षिण एसियाली खेलकुद ९साग०को तयारी लागि नेपाल किर्गीस्तान पुगेको हो ।

प्रतिक्रिया दिनुहोस
साफ यू–१८ फुटबल : मनिषको गोलमा नेपालको बराबरी

काठमाडौं । तेस्रो संस्करणको साफ यू–१८ फुटबल च्याम्पियनसिप फुटबलको पहिलो खेलमा नेपालले बराबरी

सावित्रा र सोमपालको पोल्टामा जनसेवा श्री पञ्चम श्रेणी पदक

काठमाडौं । हरेक वर्ष संविधान दिवसको अवसरमा सरकारले विभिन्न क्षेत्रमा योगदान पुर्याएका व्यक्तित्वहरुलाइ

यू-१६ च्याम्पियनसिप : नेपाल र ताजिकिस्तान भिड्दै, कसले मार्ला बाजी ?

काठमाडौं । जोर्डनमा जारी एएफसी यू-१६ च्याम्पियनसिप छनोटको तेस्रो खेलमा नेपालले आज ताजिकिस्तानसँग

मैत्रीपूर्ण भलिबलको उपाधि राष्ट्रसेवक टोलीलाई

काठमाडौं । संविधान दिवसको अवसर पारेर गण्डकी प्रदेश सरकारले आयोजना गरेको मैत्रीपूर्ण भलिबलको