हिन्दु धर्मको रक्षाकै लागि पार्टी फुटायौं : डा लोहनी

रुपन्देही,२७ भदौ ।एकीकृत राष्ट्रिय प्रजातन्त्र पार्टी राष्ट्रवादीका अध्यक्ष डा. प्रकाशचन्द्र लोहनीले हिन्दु धर्मको रक्षा आफ्नो पार्टीको पहिलो एजेन्डा भएको बताएका छन् । उनले हिन्दु धर्म र राजतन्त्रको मुद्दा छाडेका कारण कमल थापासँग पार्टी फुटाउनु परेको समेत बताए । हिन्दु धर्मले नेपाल राष्ट्रलाई एकजुट बनाएको बेला अन्य शक्तिको आडमा धर्मनिरपेक्षाता घोषणा गरेको भन्दै विश्वभरका हिन्दुहरुको आस्थाको केन्द्र बनाउने काम गर्नुपर्ने बताए । बुटवलमा गरेको पत्रकार सम्मेलनमा बोल्दै अध्यक्ष लोहोनीले कमल थापाले राजनीतिक मुद्दालाई मौसमअनुसार प्रयोग गरेको टिप्पणी समेत गरे । राष्ट्रिय प्रजातन्त्र पार्टीबाट छुट्टिएर अर्को पार्टी गठन गरेका डा. लोहनीले राजनीतिक मूल्य र मान्यता छाडेकाले सँगै बस्न नसकेको वताए ।

यो खबर पढेर तपाईलाई कस्तो महसुस भयो ?