१७ भाद्र २०७६, मंगलवार १५:२८

अचानक रवि लामिछाने किन पुगे उच्च अदालत ?


प्रकाशित मिति : १७ भाद्र २०७६, मंगलवार १५:२८

काठमाडौं । सञ्चारकर्मी रवि लामिछाने र युवराज कँडेलले चितवन जिल्ला अदालतले धरौटीमा छाड्न दिएको आदेश बदरको माग गर्दै उच्च अदालतमा निवेदन दिनुभएको छ । पत्रकार शालिकराम पुडासैनीको आत्महत्याको लागि दुरुत्साहन गरेको अभियोगमा जिल्ला अदालत चितवनले लामिछानेलाई ५ लाख र कँडेललाई ३ लाख रुपैयाँ धरौटीमा छाड्न आदेश दिएको थियो ।

अदालतले दिएको उक्त आदेश बेरीतको रहेको भन्दै बदरको माग लिएर लामिछाने र कँडेलले उच्च अदालतमा निवेदन दिनुभएको हो ।

लामिछाने र कँडेलले फौजदारी कार्य्विधि संहिता २०७४ को दफा ७३ बमोजिम भदौ ९ गतेको चितवन जिल्ला अदालतको आदेश बदर गरी साधारण तारेखमा रही मुद्दा पुर्पक्ष गरिपाऊँ भनी निवेदन दर्ता गराउनुभएको हो ।

लामिछाने र कँडेलको निवेदनमाथि बुधबार प्रारम्भिक सुनुवाइ गर्ने उच्च अदालत हेटौंडा इजलासले जनाएको छ ।

यसअघि, रविले अदालतको आदेशको सम्मान गर्ने बताउनुभएको थियो ।

Tags:

प्रतिक्रिया दिनुहोस