वैदेशिक रोजगारीबाट फर्किएकालाई नारामा मात्र सहुलिएत कर्जा , कहिले बन्छ कार्यविधी ?


लोकपथ
प्रकाशित मिति : २३ श्रावण २०७६, बिहीबार १७:१६

काठमाडौ । नेपाल बंैकर्स संघले सरकारले कर्जाको सुरक्षण गर्ने कार्यविधि तय नगरेकाले वैदेशिक रोजगारबाट फर्किएका नागरिकहरुलाई कर्जा प्रवाह गर्न समस्या भईरहेको स्पष्ट पारेको छ ।

संघका अध्यक्ष ज्ञानेन्द्रप्रसाद ढुंगानाले साँढे पाँच वर्षसम्म कर्जा सुरक्षण हुने गरी कार्यविधि तय सरकारले नगरेकै कारण वैदेशिक रोजगारबाट फर्किएका नागरिकलाई सहुलियत दरमा कर्जा प्रवाह गर्न समस्या भईरहेको प्रष्टयाउनु भएको हो । बिहीबार काठमाडौंमा आयोजित एक कार्यक्रममा बोल्दै उहाँले प्रवाह गरिएको कर्जाको असुली प्रक्रिया एक वर्ष भित्र पनि सुरु नभए नेपाल राष्ट्र बैंकमा कर्जा नोक्सान सुरक्षण दावी गर्न नमिल्ने प्रावधान अहिले पनि रहेकाले बैंकहरुले ५ वर्षसम्मका लागि वैदेशिक रोजगारबाट फर्किएका नागरिकलाई सहुलियत दरमा कर्जा उपलब्ध गराउन नसक्ने अवस्था रहेको पनि बताउनु भयो । उहाँले कर्जा लिनका लागि सो कर्जालाई सदुपयोग गर्ने कार्यक्रम र ऋण तिर्ने स्पष्ट कार्ययोजना पनि बैंकमा पेश गर्न वैदेशिक रोजगारबाट फर्किएका नागरिकहरुलाई पटकपटक आग्रह गर्नु भयो ।

कार्यक्रममा बोल्दै युवा तथा खेलकुद मन्त्री जगत विश्वकर्माले भने कर्जा सुरक्षाको जिम्मा सरकारले लिनेभन्दै वैदेशिक रोजगारबाट फर्केका युवाहरुलाई कर्जा प्रवाहमा ढिलाई नगरी दिन बैंकहरुलाई सचेत गराउनु भएको थियो । उहाँले सरकारले वैदेशिक रोजगारबाट फर्किएका युवाहरुको ज्ञान, अनुभव र सिपलाई सदुपयोग गरेर मुलुकलाई समृद्ध बनाउने नीति लिएको पनि स्मरण गराउनु भयो ।

युवा तथा खेलकुद मन्त्रालयकै अग्रसरतामा आयोजना गरेको कार्यक्रममा वैदेशिक रोजगारबाट फर्किएका नेपालीहरुको संस्था रिटर्नी माईग्रेट, नेपालका पदाधिकारीहरुले बैंकहरुले सहुलियत दरमा कर्जा दिन ढिलाई गरिरहेको भन्दै असन्तुष्टि जनाएका थिए ।

Tags :
प्रतिक्रिया दिनुहोस
विप्लव समुहद्वारा मन्दिरको ६ रोपनी जग्गा कब्जा

काठमाडौं । नेत्र विक्रम चन्द समुह ‘विप्लव’ नेतृत्वको समुहले सल्यानमा एक मन्दिरको ६

पुडाशैनीको श्रीमतीले दिईन् रवी लामिछानेविरुद्ध किटानी जाहेरी, समर्थक सडकमा उर्लिए

काठमाडौं । पछिल्लो समय पत्रकार शालिकराम पुडासैनीको आत्महत्या प्रकरणले सामाजिक संजाल निकै तातेको

विवाहित महिलासँग ‘लिभिङ टुगेदर’मा बस्दै आएका प्रहरी जवानको शंकास्पद मृत्यु

काठमाडौं । महानगरीय प्रहरी वृत्त, स्वयम्भूमा कार्यरत एक जना प्रहरी जवान मृत अवस्थामा

कञ्चनपुरमा १७ वर्षीय बलात्कृत, २ जना पक्राउ, ३ फरार

काठमाडौं । कञ्चनपुरमा एक किशोरीलाई सामूहिक बलात्कार गरेको आरोपमा २ जना पक्राउ परेका