१६ श्रावण २०७६, बिहीबार १६:४३

बैंकको चर्को ब्याजका कारण उद्योगधन्दा संचालन गर्न नसकिने: शेखर गोल्छा


प्रकाशित मिति : १६ श्रावण २०७६, बिहीबार १६:४३

काठमाडौं । नेपाल उद्योग वाणिज्य महासंघका वरिष्ठ उपाध्यक्ष शेखर गोल्छाले बैंकहरुको चर्को ब्याजका कारण उद्योगधन्दा संचालन गर्न सकिने अवस्था नरहेको बताउनु भएको छ ।

वरिष्ठ उपाध्यक्ष गोल्छाले बैंकहरुले चर्को ब्याज लिने व्यवस्थालाई कायमै राखेर नेपाल राष्ट्र बैंकले मौद्रिक नीति ल्याएको उल्लेख गर्दै त्यसले उद्योगधन्दा स्थापना तथा संचालन गर्न सकिने अवस्था नरहेको प्रष्टयाउनु भएको हो ।

बिहीबार काठमाडौंमा आयोजित ‘अर्थ संवाद’ कार्यक्रममा बोल्दै उहाँले विगत ३ वर्षयता आर्थिक वृद्धिदर ६ प्रतिशतभन्दा माथि भएपनि त्यसले बजारमा तरलताको अभाव देखिँदा बैंकहरुबाट ऋण लिने अवस्था नरहेको गुनासो पनि गर्नुभयो ।

त्यसमा कर्जा लिईहाले पनि उच्च व्याजदरका कारण आफूहरु समस्यामा पर्ने अवस्था आएको वरिष्ठ उपाध्यक्ष गोल्छाको भनाई छ ।

वरिष्ठ उपाध्यक्ष गोल्छाले चर्को व्याजदर कायमै राखेर मुलुकमा कसरी उद्योगधन्दा चलाउन सकिन्छ ? भनि प्रश्न पनि गर्नुभयो । कार्यक्रममा बोल्दै संघीय संसद अर्थ समितिका सभापति कृष्णप्रसाद दाहालले पनि उद्योगीहरुको पक्षमा मौद्रिक नीति ल्याउन नसकेको भन्दै नेपाल राष्ट्र बैंकप्रति असन्तुष्टि जनाउनुभयो ।

उहाँले ब्याजदर उच्च राख्ने अनि ८ प्रतिशत आर्थिक वृद्धिदर कायम गर्ने सरकारको लक्ष्य अनुसार नै मौद्रिक नीति ल्याइएको भन्ने नेपाल राष्ट्र बैंकको भनाई तथ्यपरक नभएको भन्दै आपत्ति पनि जनाउनुभयो ।

सभापति दाहालले उत्पादन वृद्धि गरेर मुलुकको आर्थिक वृद्धिदरलाई बढाउनुपर्नेमा त्यसलाई घटाउने गरी नेपाल राष्ट्र बैंकले मौद्रिक नीति ल्याएको दावी पनि गर्नुभयो ।

प्रतिक्रिया दिनुहोस
साना व्यवसायीका लागि सिद्धार्थ बैंकको सरल कर्जा योजना

काठमाडौं । सिद्धार्थ बैंकले नयाँ कर्जा योजना सञ्चालनमा ल्याएको छ । बैंकले मझौला

एन आई सी एशिया बैंकका ग्राहकलाई रेष्टुरेण्टहरूमा १५ प्रतिशत छुट

काठमाडौं । एन आइ सी एशिया बैंक र द्वारिकाज होटेल प्रा।लि बत्तिसपुतली काठमाडौंबिच

एन आई सी एशिया लघुवित्तको दोस्रो साधारण सभा सम्पन्न

काठमाडौं । एन आइ सी एशिया बैंकको सहायक कम्पनी एन आइ सी एशिया

लक्ष्मी बैंकको १२० औँ शाखा काकडभिट्टामा

काठमाडौं । लक्ष्मी बैंक लिमिटेड नयाँ शाखा सञ्चालनमा ल्याएको छ । बैंकले आफ्नो