१० जेष्ठ २०७९, मंगलवार

यी को हुन् ? यी दीपाश्री निरौला होइनन्

२०७४,पुष,१६,आईतवार १०:५०

9
Shares

काठमाडौं, १६ पुस । रानु निरौला सांगीतिक बजारमा उदाउँदो नाम हो । विराटनगरमा जन्मिएकी रानुको चर्चा छोटो समयमै चुलिँदो छ । करिब दश वर्ष ब्यूटिपार्लर व्यवसायमा आवद्ध उनको औपचारिक सांगीतिक यात्रा भने दुई वर्ष अगाडिदेखि मात्रै आरम्भ भएको हो । ‘ब्रेक फेल’ बोलको गीत गाएर सांगीतिक क्षेत्रमा प्रवेश गरेकी रानुको अहिलेसम्म ७ वटा म्यूजिक भिडियोसहितको गीत सार्वजनिक भइसकेको छ । अब्बल गायकीका कारण छोटो समयमै चर्चा कमाउन सफल उनी गायिकामात्रै नभएर शब्द÷संगीत रचना पनि गर्छिन् निकट भविष्यमै उनले आफ्नै शब्द र संगीत रहेको ‘आगो आगो’ बोलको ‘क्लब सङ्’ बजारमा ल्याउँदै छिन् । अहिले सो गीतको म्यूजिक भिडियो बनाउने काम भइरहेको छ । त्यस्तै पिरतीको फुल बोलको आधुनिक गीत पनि रेकर्डिङ भइसकेको र त्यसको म्यूजिक भिडियो बनिरहेको रानुले जानकारी दिइन् । सुरिलो स्वरकी धनी रानु आफ्नै कला र गलाका कारण चर्चित छिन् नै त्यससँगै उनीसँग अर्को रहस्यमय परिचय पनि छ । अर्थात् उनी चर्चित हास्य कलाकार तथा चलचित्र निर्माता–नायिका दीपाश्री निरौलाकी कान्छी बहिनी पनि हुन् । यो कुरा धेरैले अनुहार हेरेर अनुमान लगाउन सक्छन् किनकी रानुको दीपाश्रीसँग काटीकुटी अनुहार मिल्दछ । दिदीसँग अनुहार मिलेकै कारण धेरै ठाउँमा ‘दीपाश्री निरौला’ भनेर मानिसहरु झुक्किने गरेको अनुभव सुनाउँछिन् उनी ब्यूटिसियन क्षेत्रमा एक दशकसम्म जमेर बसेकी रानु पैसाका लागि नभएर रहरले सांगीतिक क्षेत्रमा होमिएकी हुन् । ब्यूटि पार्लरमा टन्न पैसा कमाउन छोडेर किन यो क्षेत्रमा आउनुभयो भन्ने प्रश्नको उत्तर दिदै उनले भनिन् ‘रहर जाग्यो’ । मान्छेको लागि रहर सबैभन्दा ठूलो कुरो रहेछ । त्यो भन्दा ठूलो आत्मसन्तुष्टि के नै हुन्छ र ? त्यसैले छोटो समयको यात्रामै सांगीतिक क्षेत्रबाट मलाई सन्तुष्टि मिलेको छ ।’सानै उमेरदेखि गीत संगीतमा रमाउने उनी भजनकीर्तन गाउँनेदेखि गाउँमा हुने कार्यक्रमहरुमा नाँच्ने पनि गर्थिन् । औपचारिक शिक्षा संगीत क्षेत्र नभएपनि आफ्नो २–३ वटा गीत सार्वजनिक भइसकेपछि संगीतकार–कम्पोजर नरहरी प्रेमीको श्रुति संगीतालयमा भोकल क्लास लिन सुरु गरेकी उनी अहिले पनि त्यही सिकिरहेकी छिन् उनीले आफ्नो गीत सँगसँगै स्टेज कार्यक्रमहरुमा पनि पर्फमेन्स दिने गरेकी छिन् । अहिलेसम्म देशभित्र हुने विभिन्न कार्यक्रमहरुबाट दर्शकको मन जितेकी उनले विदेशको कार्यक्रममा समेत जाने तयारी गरिरहेको योजना सुनाइन् । गायिका रानु वग्गी एण्ड हर्ष राइडिङको ब्राण्ड एम्बेस्डरसमेत हुन् ।

प्रकाशित मिति: २०७४,पुष,१६,आईतवार १०:५०

प्रतिक्रिया दिनुहोस !
सम्बन्धित खबरहरु

काठमाडौं । दम एक गम्भीर श्वासप्रश्वास रोग हो। यो रोगका कारण कतिपय अवस्थामा सास फेर्न गाह्रो हुन्छ । यदि समयमा

काठमाडौं । आयुर्वेददेखि चिकित्सा विज्ञानसम्म हरेक तहमा बिहान सबेरै उठ्नु स्वास्थ्यका लागि फाइदाजनक रहेको बताइन्छ । हामीले बाँच्ने तरिका, के

काठमाडौं । तौल बढ्नु अहिलेको समयको सबैभन्दा गम्भीर स्वास्थ्य समस्या हो । अनुसन्धानका अनुसार अधिक तौल भएका व्यक्तिहरूमा हृदय रोग,

काठमाडौं । शरीरलाई राम्रोसँग काम गर्न दिनहुँ विभिन्न प्रकारका पोषक तत्वहरू चाहिन्छ। सामान्यतया, प्रोटिन, भिटामिन सी-डीजस्ता पोषक तत्वहरूको आवश्यकतालाई बुझेर

ताजा समाचार

देशमा गफाडीहरु जन्मिएका छन् : माधव नेपाल
 २०७९,जेष्ठ,१०,मंगलवार १९:५५
८ घण्टापछि पोखराको मतगणना पुन: सुरु
 २०७९,जेष्ठ,१०,मंगलवार १९:५३