८ आश्विन २०७८, शुक्रवार

राणाको राप्रपाभित्र शुरु भयो खतरानाक खेल, जोगिएला पार्टी ?

२०७४,भाद्र,२६,सोमवार ०७:११


काठमाडौं,२६भदौ ।राप्रपा प्रजातान्त्रिकमा सरकारको विषमया उग्र विवाद भएको छ । पार्टीका कम्तीमा १० सांसदले राजीनामा दिने तयारी थालेका छन् ।सरकारमा पार्टीका एक राज्यमन्त्रीसहित ४ जना जाँदा राप्रपा पृष्ठभूमिबाट आएकाहरुलाई अध्यक्ष पशुपति शमशेर राणाले उपेक्षा गरेको भन्दै सो समूहका सांसदहरुले सामूहिक राजिनामा दिने तयारी गरेका हुन् । विहान पशुपतिलाई भेटेर यसबारे जानकारी दिएका उनीहरुको आजै छुट्टै भेला हुँदैछ । भेला १ बजेपछि बोलाइएको सांसद सइन्द्र बान्तवाले बताइन् । उनका अनुसार रामकुमार शर्मा, सयन्द्र वान्तवा, राज्यलक्ष्मी श्रेष्ठ, कमला शर्मा, विराज विष्ट, बबिना लावती मोक्तान लगायतको सहभागिता रहनेछ र के गर्ने भन्नेमा टुंगोलगाइनेछ ।‘सरकारमा जाने विषयमा हामीसँग कुनै छलफल पनि भएन, छलफल नभएपनि समाबेशी बनाइएको भए केही थिएन, सवै पुरुषमात्रै पठाइयो त्यो पनि एक व्यक्ति एक पदको नीति विपरित भयो त्यसैले हामी विकल्प सोच्न बाध्य भयौं’, असन्तुष्ट मध्येकी एक सांसद राज्यलक्ष्मी श्रेष्ठले भनिन् ‘अब हामी सामुहिक राजिनामा दिने तयारीमा छौं ।’भेटमा उनिहरुले रेशम लामाको नाम फिर्ता लिएर कोही एक महिला सांसदलाई सरकारमा पठाउन राणालाई भनेका थिए । तर, जवाफमा अध्यक्ष राणाले ‘अव अहिले केही हुदैन, अर्को पटक हुने मन्त्रिमण्डल विस्तारमा महिलालाई सहभागि गराउला’ भनेर फर्काएका थिए ।सरकारमै जाने विषयमा राप्रपा अध्यक्ष कमल थापासँग विद्रोह गरेर नयाँ पार्टी गठन गरेका उनीहरु पुनः राणाविरुद्ध विद्रोहको तयारीमा लागेका हुन् ।पार्टीमा कुनै छलफल नगरी सुनील थापा, दीपक बोहरा र विक्रम पाण्डेलाई शेरबहादुर देउवा नेतृत्वको सरकारमा सहभागि गराउन गराएपछि आक्रोश पैदा भएको हो । यस्तै रेशम लामालाई राज्यमन्त्री बनाइएको छ ।पार्टी विभाजनका बेला राणालाई बलियो साथ दिएपनि लाभको पद लिने बेलामा भने सीमित मुख्य नेताहरुलाई मात्रै अवसर दिएको गुनासो असन्तुष्टहरुको छ ।

प्रकाशित मिति: २०७४,भाद्र,२६,सोमवार ०७:११

प्रतिक्रिया दिनुहोस !
सम्बन्धित खबरहरु

काठमाडौं । शुक्रबार (आज) नेपाली कांग्रेसको पदाधिकारी तथा पूर्व पदाधिकारी बैठक बसेको छ । बिहान साढे १० बजेबाट सिंहदरबारमा जारी

काठमाडौं । नेकपा एमालेको केन्द्रीय कमिटी बठैक आज बस्दैछ । बैठक तुलसीलाल स्मृति प्रतिष्ठानको भवन च्यासलमा बिहान ११ बजे बस्ने

काठमाडौं । नेपाली कांग्रेसले हिमाली जिल्लामा दशैँअघि अधिवेशनका कार्यक्रम गर्ने निर्णय गरेको छ । कांग्रेस संसदीय दलको कार्यालय सिंहदरबारमा आज

काठमाडौं । नेपाल कम्युनिष्ट पार्टी (एकीकृत समाजवादी) केन्द्रीय कमिटीको बैठक सकिएको छ । बैठकले पदाधिकारी, स्थायी कमिटी, पोलिटब्यूरो र केन्द्रीय

ताजा समाचार

सुनको मूल्य घट्यो, कतिमा कारोबार हुँदै छ ?
 २०७८,आश्विन,८,शुक्रवार ११:१२
ब्राउन सुगरसहित तीन पक्राउ
 २०७८,आश्विन,८,शुक्रवार १०:५९