६ श्रावण २०७६, सोमबार १८:४२

जापान सरकारले नेपाललाई गर्ने भयो ठूलो धनराशीको सहयोग


प्रकाशित मिति : ६ श्रावण २०७६, सोमबार १८:४२

काठमाडौ । जापान सरकारले विद्यालय क्षेत्र सुधार कार्यक्रम तथा मानव संशाधन विकास परियोजना कार्यान्वयनका लागि नेपाललाई ६३ करोड ९९ लाख अनुदान सहायता उपलब्ध गराउने भएको छ ।

अर्थ सचिव डा. राजन खनाल र नेपालका लागि जापानका राजदुत मासामिची साईगोको उपस्थितिमा जाईका, नेपालकी प्रमुख प्रतिनिधि यूमिको आसुकुमा र अर्थ मन्त्रालयका सहसचिव श्रीकृष्ण नेपालबीच सो दुई परियोजना कार्यान्वयनका लागि ६३ करोड ९९ लाख अनुदान सहायता प्रदान गर्ने समझदारी पत्रमा हस्ताक्षर भएको हो ।

जापानले सन् २०१५ बाट नेपालमा सहायता उपलब्ध गराउँदै आएको ती दुई परियोजनामा थप ६३ करोड ९९ लाख अनुदान सहायता उपलब्ध गराउने समझदारी गरिएको अर्थसचिव खनालले जानकारी दिनु भयो ।

नेपालका लागि जापानका राजदुत मासामिचीले नेपालको दीगो विकासका लागि शिक्षा तथा मानव संशाधन विकासको क्षेत्रमा संचालित परियोजनालाई आर्थिक सहायता उपलब्ध गराउने कामलाई निरन्तरता दिइएको बताउनु भयो ।

उहाँले सो परियोजनबाट नेपालको गरिवी निवारणमा पनि उल्लेख्य योगदान पुग्ने विश्वास व्यक्त गर्नु भयो ।

जापानले नेपालको दिगो विकासका लागि पूर्वाधार, शिक्षालगायतका क्षेत्रका आर्थिक तथा प्राविधिक सहायता उपलब्ध गराउँदै आएको छ ।

Tags: ,

प्रतिक्रिया दिनुहोस
नागरिक उड्डयनको क्षेत्रलाई सुरक्षित र भरपर्दो बनाउँछौँ : पर्यटनमन्त्री भट्टराई

काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईले नागरिक उड्डयनको क्षेत्रलाई

सेज आइटी पार्कजस्तो नहोस् : अर्थमन्त्री खतिवडा

काठमाडौं । अर्थमन्त्री डा युवराज खतिवडाले पाँचखालमा निर्माणाधीन विशेष आर्थिक क्षेत्र (सेज) बनेपाको

मुख्यमन्त्रीद्वारा विमानस्थलको अनुगमन

काठमाडौं । प्रदेश नं ५ का मुख्यमन्त्री शङ्कर पोखरेलले दाङको टरिगाउँ विमानस्थलको अनुगमन

‘उप’भनेर हेरिने दृष्टिकोण बदल्नुपर्छ

काठमाडौं । सात प्रदेशका उपसभामुखले सङ्घीयता कार्यान्वयनसँगै यसको संस्थागत विकास गर्न आफूहरुले भूमिका