३१ भाद्र २०७८, बिहीवार

नेपालद्वारा थाइल्याण्ड २५५ रनले पराजित

२०७४,भाद्र,२६,सोमवार ०७:०३


 काठमाडौँ, २६ भदौ । एसीसी यू–१९ इस्टर्न रिजन प्रतियोगिताअन्तर्गत आज भएको खेलमा नेपालले थाइलैण्डलाई २५५ रनले पराजित गरेको छ ।मलेसियाको क्वालालम्पुरस्थित क्लव अमानको मैदानमा सन्दिप लामिछानेले ७ विकेट लिएपछि थाइलैण्ड १० ओभरमा मात्र २६ रनमा समेटियो । टस हारेर ब्याटिङ गर्न पुगेको नेपालले निर्धारित ५० ओभरमा ६ विकेट गुमाएर २८१ रन बनायो ।नेपालका लागि अनिलकुमार साहले सर्वाधिक ९१ रन बनाए । सतक बनाउनबाट नौ रनले चुकेका साहले ७४ बलको सामना गर्दै पाँच छक्का र ६ चौका प्रहार गरे । प्रनित थापा मगरले ६१ बलमा एक छक्का र तीन चौकासहित ५० रन बनाए । सन्दिप सुनारले ३२, रोहितकुमार पौडेलले २८, कप्तान दिपेन्द्रसिंह ऐरीले २२, पवन सर्राफले २२ र आसिफ शेखले २१ रन बनाए ।नेपालको घातक बलिङका सामू थाइलैण्ड निरिह देखियो । कुनै पनि ब्याट्सम्यानले दोहोरो अंक जोड्न सकेनन् । सन्दिपले सात विकेट लिने क्रममा चार ओभर बलिङ गरी मात्र ६ रन खर्चिए । कप्तान दीपेन्द्रसिंह ऐरी, नन्दन यादव र किशोर महतोले एक–एक विकेट लिए ।प्रतियोगिताको समूह ‘ए’ मा रहेको नेपालले अब सिंगापुर र भुटान विरुद्ध खेल्नेछ । नेपालले बुधबार भुटानसँग र बिहीबार सिंगापुरसँग खेल्नेछ । समूह ‘बी’ मा मलेसिया, हङकङ, चीन र म्यानमार छन् । फाइनल पुग्ने टोली यू–१९ एसिया कपका लागि छनोट हुने छन् ।

प्रकाशित मिति: २०७४,भाद्र,२६,सोमवार ०७:०३

प्रतिक्रिया दिनुहोस !
सम्बन्धित खबरहरु

काठमाडाैँ । Everest Premiere League शुरु हुन गइरहेको छ । अहिले समय जटिल छ, तर पनि मैदानबाट मनोरञ्जन प्रदान गर्न

काठमाडौं। युईएफए च्याम्पियन्स लिगअन्तर्गत बुधवार भएको समूह ‘सी’को खेलमा बोरुसिया डर्टमन्डले बेसिकतासलाई २-१ गोलले पराजित गरेको छ। बेसिकतासको घरेलु मैदान

काठमाडौं। युईएफए च्याम्पियन्स लिगअन्तर्गत गए राति खेलिएको समूह ‘सी’को खेलमा आयाक्सले स्पोर्टिङ लिजबनलाई ५-१ गोलको फराकिलो अन्तरले पराजित गरेको छ।

काठमाडौं। युईएफए च्याम्पियन्स लिगअन्तर्गत गए राति भएको समूह ‘डी’को खेलमा सर्वाधिक च्याम्पियन्स लिग विजेता रियल मड्रिडले इन्टर मिलानलाई १-० गोलले

ताजा समाचार