नेपाल टेलिकमले म्यासेज पठाए ‘अलर्ट’ हुनैपर्ने यस्तो छ कारण


लोकपथ
प्रकाशित मिति : २५ असार २०७६, बुधबार ०८:००


नेपाल टेलिकमले म्यासेज पठाए अब ईग्नोर नगर्नुहोस् । यो तपाईकै लागि घाटाको विषय हुनसक्छ ।

किनकी देशका विभिन्न स्थानमा बाढीरपहिरोलगायतका प्राकृतिक विपदबाट हुनसक्ने क्षतिलाई न्यूनीकरण गर्न नेपाल टेलिकमले सम्भावित विपद्सम्बन्धी पूर्वजानकारी सम्प्रेषित गर्नका लागि विशेष भूमिका निर्वाह गरिरहेकोछ ।


टेलिकमले जल तथा मौसम विज्ञान विभागसँग मिलेर यस्ता सम्भावित विपद् क्षेत्रका बासिन्दालाई मोबाइलमार्फत निःशुल्क सन्देश पठाएर सुरक्षित रहनका लागि सचेत गराउँदै आएको छ ।

तस्वीर गूगलबाट


टेलिकमले हालै जल तथा मौसम विज्ञान विभागले यो साताको अन्त्यसँगै मुलुकभरका प्रायः नदीको बहाव उच्च हुने भएकाले तटीय क्षेत्रमा सतर्कता अपनाउन सुझाव दिएको छ । पहाडमा पानी परेमा पहिरो जान सक्ने र तराई डुबानमा पर्न सक्ने कुरालाई मध्यनजर गरी यससम्बन्धी पूर्वजानकारी उपलब्ध गराइन्छ ।


टेलिकम र जल तथा मौसम विज्ञान विभागबीचको सहकार्यमा जल तथा मौसमजन्य सम्भावित विपद्सम्बन्धी पूर्वसूचना उपलब्ध गराउन मोबाइलमार्फत एसएमएस प्रवाह गर्ने गरेको छ । जसअनुसार महाकाली, पश्चिम राप्ती, कन्काई, बबई, कर्णाली, नारायणी, वाग्मती, कोशी नदी क्षेत्र र हिमाली क्षेत्रका ग्राहकको मोबाइलमा विपद्सम्बन्धी पूर्वसूचना सम्प्रेषणको व्यवस्था मिलाइएको छ ।


यसका लागि टेलिकमले सम्भावित विपद् क्षेत्रका मोबाइल सेवाका ग्राहकहरुको विवरण मौसम विज्ञान विभागलाई उपलब्ध गराइरहेको छ । विभागले ११५५ कोडको प्रयोग गरी विशेषगरी विपद् आउनुपूर्व प्रभावित क्षेत्रका बासिन्दाले प्राप्त गर्न सक्ने गरी समूहगत सन्देश ९बुल्क एसएमएस०मार्फत आवश्यक जानकारी पठाउने गर्दछ ।


विपद्को पूर्वजानकारीले क्षति न्यूनीकरण गर्न सकिने तथा मानवीय क्षति हुन नदिन वा कम गर्न सकिने भएकाले कम्पनी र जल तथा मौसम विज्ञान विभागबीच सहकार्य गरिएको हो । रासस

प्रतिक्रिया दिनुहोस
टेलिकमका प्रयोगकर्तालाई खुसीको खबर !

काठमाडाैं । नेपाल टेलिकलको स्थानीय टेलिफोन र पोष्टपेड मोबाइल फोनको मुल्य घटेको छ

भोलिदेखि इन्टरनेटको मूल्य बढ्ने, कति पुग्यो ?

काठमाडाैं । भोलिदेखि इन्टरनेटको मूल्य १३ प्रतिशतले बढ्ने भएको छ। सरकारले इन्टरनेट सेवा

टेलिकमको ‘फाइवर टु दि होम’ सेवा शुभारम्भ

काठमाडौं । नेपाल टेलिकम बागलुङले आफ्नो सेवालाई गुणस्तरीय तथा द्रुतगतिको इन्टरनेट सेवा प्रदान

नेपाल टेलिकमले ल्यायो आकर्षण समर अफर, के-के छन् सुविधा ? हेर्नुहोस्

काठमाडौं । नेपाल टेलिकमले आफ्ना ग्राहकहरुको सुविधाका लागि विभिन्न प्याकेजसहितको समर अफर ल्याएको