काठमाडौं । बालिका बलात्कार गरेको आरोपमा एक किशोर पक्राउ परेका छन् ।
प्रहरीले पाँच वर्षीया बालिका बलात्कारको आरोपमा सप्तरीबाट १३ वर्षीय किशोरलाई पक्राउ गरेको हो । प्रहरीका अनुसार गत शनिबार किशोरले बालिकालाई विस्कुट खान दिई फकाएर आफ्नै कोठामा बलात्कार गरेको हो ।
अचानक बालिकाको पेट दुखेपछि गत सोमबार आमाले उनलाई अस्पताल लगेकी थिइन । स्वास्थ्य परिक्षण गरिसकेपछि उनको बलात्कृत भएको चिकित्सकद्धारा तथ्य खुलेको हो ।
स्वास्थ्य परिक्षणमा बलात्कृत भएको रहस्य खुले लगत्तै चिकित्सकले प्रहरीलाई खबर गरेका थिए । बालिकाको परिवारले किशोर विरुद्ध उजुरी दिएका छन् । उजुरीपछि किशोरलाई प्रहरीले नियनत्रणमा लिइ उनिमाथि अनुसन्धान गर्न थालेको प्रहरीले जनाएको छ ।
मुलुकी अपराध (संहिता) ऐन, २०७४ को दफा २१९ को उपदफा २ को (ग) अनुसार किशोरलाई मुद्दा लाग्ने प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया