१० जेष्ठ २०७९, मंगलवार

वाम एकता : यसकारण भयो अन्योल

२०७४,पुष,११,मंगलवार १६:१७

0
Shares

–प्रकाश सिलवाल काठमाडौँ, ११ कात्तिक- एउटै कम्युनिष्ट पार्टी निर्माणको घोषणासहित निर्वाचनमा तालमेल गरेका नेकपा (एमाले) र नेकपा (माओवादी केन्द्र) का शीर्ष नेताहरु अनौपचारिक र आन्तरिक छलफलमा व्यस्त हुन थालेका छन् दुई वाम दलको चुनावी गठबन्धनले सुविधाजनक बहुमत ल्याएपछि नेताहरुको जिम्मेवारी बाँडफाँड र सैद्धान्तिक आधारका विषयमा फरक फरक धारणा सार्वजनिक भए पनि एकतालाई निष्कर्षमा पु¥याउन दुवै दलका तर्फबाट गृहकार्य जारी देखिएको छ एमाले स्थायी कमिटीका सदस्य शंकर पोखरेलले एकतालाई असफल पार्ने पक्ष लाग्न खोजे पनि पूर्वघोषित सहमतिअनुसार आफूहरुको एकतामा अवरोध उत्पन्न नहुने बताए । केन्द्रका नेता दीनानाथ शर्माले पनि एकता हुनेमा शंका गर्नुपर्ने कारण नरहेको स्पष्ट गरे गत मंसिर १० र २१ मा सम्पन्न प्रतिनिधिसभा र प्रदेशसभा सदस्यको निर्वाचनको अन्तिम निर्वाचन परिणाम घोषणा हुनै लाग्दा दुई दलबीच नयाँ सरकार गठन र पार्टी एकताको प्रक्रिया शुरु भएको हो भावी प्रधानमन्त्रीका विषयमा खासै विवाद नभएपनि एकीकृत पार्टीको अध्यक्ष र सरकारको नेतृत्व आलोपालो गर्ने, नगर्ने तथा कस्तो वैचारिक संगठनात्मक आधारमा एकता गर्ने भन्नेमा नेताहरुबीच फरक फरक धारणा आउँदा पार्टी एकताबारे केही भ्रम र अन्योलसमेत सिर्जना भएको छ मुलुकलाई समृद्धि र समाजवादतर्फ उन्मुख गराउन एउटै कम्युनिष्ट पार्टीको आवश्यकताबोधसहित गत असोज १७ गते एमाले र केन्द्रले एकता र तालमेलको घोषणा गरेका थिए । दुई दलले पार्टीको साझा दस्तावेज, विधान र संगठनात्मक खाका कोर्न अलगअलग कार्यदल पनि गठन गरेका छन् एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टी एकताको विषय जनताबाट अनुमोदन भइसकेकाले आफूहरु त्यसबाट पछि नफर्कने जनाउँदै आएका छन् । उनीहरुबीच निरन्तर अनौपचारिक संवाद पनि भइरहेको छ चितवनको कार्यक्रमबाट काठमाडौँ फर्किएका माओवादी केन्द्रका अध्यक्ष दाहाल र एमाले अध्यक्ष ओलीबीच आज छलफल हुने भनिएपनि भोलिको लागि सारिएको बताइएको छ | उनीहरु बीच छलफल भएपछि चाँडै पार्टी एकता संयोजन समितिको बैठक बस्नेछ । समितिमा दुवै पार्टीका अध्यक्षसहित शीर्ष नेता सम्मिलित छन् गत शुक्रबारका लागि तय भएको एकता संयोजन समितिको बैठक त्यसदिन एमाले स्थायी कमिटीको बैठक हुनाका साथै अध्यक्ष दाहाल काठमाडौँ बाहिर रहेकाले हुन सकेको थिएन । एमालेको स्थायी कमिटीले पार्टी एकता र सरकार गठनको कामलाई सँगसँगै अघि बढाउने निर्णय गरेको थियो भने त्यसअघि बसेको केन्द्रको पार्टी केन्द्रीय कार्यालयको बैठकले सरकार गठनभन्दा अघि पार्टी एकतामा जोड दिएको थियो माक्र्सवादी सिद्धान्तलाई पालना गर्दै विसं २००६ वैशाख ९ मा नेपालमा पुष्पलालको नेतृत्वमा कम्युनिष्ट पार्टी स्थापना भएको थियो । कम्युनिष्ट पार्टी स्थापना भएदेखि टुटफुट, विभाजन, आरोप–प्रत्यारोप र एकताको शृंखला चल्दै आएको छ ।

प्रकाशित मिति: २०७४,पुष,११,मंगलवार १६:१७

प्रतिक्रिया दिनुहोस !
सम्बन्धित खबरहरु

हेटौंडा । पूर्व प्रधानमन्त्री तथा नेकपा एकीकृत समाजवादीका अध्यक्ष माधव नेपालले देशमा गफाडीहरु जन्मिएको बताएका छन् । मंगलबार नेकपा एस

बारा । स्थानीय तह निर्वाचनको मतपरिणाममा बारा जिल्लामा नेकपा एमाले सबैभन्दा ठूलो दल बनेको छ । अघिल्लो स्थानीय तह निर्वाचनमा

काठमाडौं । सरकारले आगामी आर्थिक वर्ष २०७९/०८० को बजेटमा कृषि क्षेत्रलाई विशेष व्यवस्था गरिने बताएको छ । मंगलबार संघीय सभाको

काठमाडौं । प्रधानमन्त्री शेरबहादुर देउवाको गृह जिल्ला डडेलधुरामा मेडिकल कलेज संचालन हुनु भएको छ । राष्ट्रपति विद्या भण्डारीले मंगलबार प्रस्तुत

ताजा समाचार

देशमा गफाडीहरु जन्मिएका छन् : माधव नेपाल
 २०७९,जेष्ठ,१०,मंगलवार १९:५५
८ घण्टापछि पोखराको मतगणना पुन: सुरु
 २०७९,जेष्ठ,१०,मंगलवार १९:५३
नीति तथा कार्यक्रम सकारात्मक छ : भट्टराई
 २०७९,जेष्ठ,१०,मंगलवार १९:४१
बारामा नेकपा एमाले सबैभन्दा ठूलो दल
 २०७९,जेष्ठ,१०,मंगलवार १९:४०