२४ माघ २०७९, मंगलवार

आन्तरिक पर्यटकका लागि आकर्षक गन्तव्यका रुपमा विकसित हुँदै पर्सा राष्ट्रिय निकुञ्ज

२०७४,पुष,१०,सोमवार ०६:१५

0
Shares

विरगन्ज, १० पुस । केही वर्षअघिसम्म घुम्न र रमाइलो गर्न चितवन राष्ट्रिय निकुञ्जबाहेक नजिकमा पर्यटकीय गन्तव्यस्थल नरहेको प्रदेश नं २ मा विस्तारै आन्तरिक तथा बाह्यपर्यटकका लागि पर्सा राष्ट्रिय निकुञ्ज आकर्षक गन्तव्यस्थलका रुपमा विकसित हुँदै गएको छ निकुञ्ज वरिपरि आन्तरिक तथा बाह्य पर्यटकलाई लक्षित गरी रिसोर्ट खुल्ल थालेपछि यो क्षेत्रमा पर्यटक गतिविधि बढ्न थालेको हो । निकुञ्जभित्र रहेका ऐतिहासिक तथा प्राचीन हलखोरियादह, कामिनी दह, माया मन्दिर, टुटेश्वर महादेव मन्दिरका साथै निकुञ्जभित्र रहेको हात्ती, बारहसिंगे, मृग, नीलगाई, पाटेबाघ, भालु, विश्वमा लोप हुन लागेको काँडेभ्याकुर, शारस, अजिंगर, ३०० प्रकारका चरा पर्यटकको आकर्षणको माध्यम बनेको छ जंगली जनावरलाई खानेपानीको सुविधाका लागि निकुञ्जभित्र निर्माण गरिएको ११ वटा पोखरी, पर्यटकलाई निकुञ्ज भ्रमण गराउन १० वटा हात्ती राखिएको छ भने ठूलो संख्यामा एक सिंगे गैँडा, १२० वटा जंगली हात्ती, एक हजार ८४३ वटा बाह्र सिंगे, १० वटाभन्दा बढी पाटेबाघ थप आकर्षणको केन्द्र रहेको छ आरक्षबाट निकुञ्जमा स्तरोन्नति भएपछि आकर्षक तथा मनमोहक प्राकृतिक दृश्य, जैविक विविधताले भरिएको वनजंगल, जनावर हेर्न प्रत्येक वर्ष एक हजारभन्दा बढी स्वदेशी तथा विदेशी पर्यटक आउने गरेको निकुञ्जका प्रमुख संरक्षण अधिकृत हरिभक्त आचार्यले बताए यस क्षेत्रमा परिवारसहित घुम्न निस्कने ठाउँको अभाव भइरहेका बेला निर्माण भएका रिसोर्टले त्यसको आवश्यकता पूर्ति गर्ने गरेको छ भने करोडौँ रुपैयाँको लगानीमा नयाँ रिसोर्ट तथा होटल निर्माण हुने क्रममा रहेको छ । पर्सा तथा बारा जिल्लाको सीमा पर्ने निकुञ्जमा पर्याप्तमात्रामा पूर्वाधार रहेकाले अब यसको दिनचर्या बदलिँदो अवस्थामा रहेको छ छ सय २७ वर्ग किमीमा फैलिएको यो निकुञ्जको पूर्वमा धार्मिक रंतनपुरी जंगल, पश्चिम चितवन राष्ट्रिय निकुञ्जको सिकारीबास, उत्तरमा बफरजुन र दक्षिणमा पुरानो निर्मलबस्ती ,सुवर्णपुर रहेको छ । निकुञ्जभित्र ऐतिहासिकस्थल, दुर्लभ वन्यजन्तु, रमणीय तथा प्राकृतिक दृश्य हेर्न आउने विदेशी पर्यटकका लागि प्रतिव्यक्ति भ्याटसहित रु एक हजार, हात्ती चढेको रु ६५० तथा नेपाली पर्यटकका लागि प्रतिव्यक्ति प्रवेश शुल्क रु ५० र हात्ती चढेमा रु ६५० तोकिएको छ । सार्कराष्ट्र तथा आन्तरिक पर्यटकसँग हात्ती सखारी गरेबापत निकुञ्जले विगत पाँच महिनमा रु २५ लाख २६ हजार राजश्व संकलन गरेको छ ।

प्रकाशित मिति: २०७४,पुष,१०,सोमवार ०६:१५

प्रतिक्रिया दिनुहोस !
सम्बन्धित खबरहरु

दाङ । द्वन्द्वको समयमा शान्तिको सन्देश दिने उद्देश्यले स्थापना गरिएको राप्ती शान्ति उद्यान यतिखेर जिल्लाकै प्रमुख पर्यटकीय केन्द्र बनेको छ

महेन्द्रनगर । कञ्चनपुरको गड्डाचौकी नाका भएर भित्रिने तेस्रो मुलुकका पर्यटकको आवागमन न्यून हुँदै गएको छ । भारत हुँदै गड्डाचौकी नाकाबाट

बागलुङ । जोखिमको पर्वाह नगरी मजदुरले बागलुङको घुम्टे लेकमा पदमार्ग बनाएका छन् । राम्चेढुंगादेखि पदमार्ग निर्माणका लागि कामदार वनमै बास

पोखरा । माघ १ गते पोखराको सेतीखोंचमा यति एयरलाइन्सको जहाज दुर्घटना भएपछि पोखराको पर्यटन क्षेत्र सुस्ताएको छ । अंगे्रजी नयाँ

ताजा समाचार

विप्लवले बोलाए विशेष पत्रकार सम्मेलन
 २०७९,माघ,२४,मंगलवार ११:४०