१० जेष्ठ २०७९, मंगलवार

धनगढी उपमहानगरपालिकामा दुई ठूला विकास आयोजनाको काम शुरु

२०७४,पुष,८,शनिवार ०४:२५

0
Shares

धनगढी, ८ पुस । धनगढी उपमहानगरपालिका क्षेत्रमा सडक, ढललगायत भौतिक पूर्वाधारको निर्माण एवं स्तरोन्नतिका लागि सघन शहरी विकास आयोजना र क्षेत्रीय शहरी विकास आयोजना कार्यान्वयनमा ल्याइएको छ दुईवर्षीय अवधिको शहरी विकास आयोजनाअन्तर्गत उपमहानगरपालिकाका १९ ठाउँका झण्डै ४२ किमी सडकको निर्माण एवं स्तरोन्नति तथा ढल निर्माण गर्न लागिएको शहरी विकास तथा भवन निर्माण विभाग डिभिजन कार्यालय धनगढीले जनाएको छ सो आयोजना कार्यान्वयनका लागि चालु आवमा रु एक अर्ब ५० करोड बजेट विनियोजन गरिएको जनाइएको छ । यी कामका लागि सर्वेक्षण र डिजाइनसम्बन्धी काम गत वर्षमा नै पूरा भइसकेको छ । “अधिकांश योजनाको काम शुरु भइसकेको छ”, डिभिजन प्रमुख रवीन्द्र बोहराले भने,“पाँच वटा प्याकेजमा राखेर सडक निर्माण थालिएको छ ।”आयोजनाअन्तर्गत सडक र ढल निर्माणबाहेक धनगढीको पुरानो बस बिसौनीको स्तरोन्नतिका साथै फूलबारीमा नयाँबस बिसौनी र जडीबुटी प्रशोधन केन्द्र निर्माणलगायत कामसमेत गरिने छ । उपमहानगरमा जम्मा हुने फोहरमैलाको व्यवस्थापन गर्नका लागि जग्गाको खोजी गरेर ल्याण्डफिल साइट निर्माणको कामसमेत शुरु भएको छ एशियाली विकास बैंकको ऋण सहयोगमा कार्यान्वयन हुन लागेको पाँचवर्षीय अवधिको क्षेत्रीय शहरी विकास आयोजनाअन्तर्गत उपमहानगर क्षेत्रका सानाठूला १५ सडकको स्तरोन्नति एवं निर्माण गर्न लागिएको छ । यसका लागि करिब रु तीन अर्ब १९ करोड बजेट विनियोजन गरिएको छ यसअन्तर्गत धनगढीको मुख्य बजारको सडकका साथै धनगढीदेखि खुटिया सडक, चटकपुर चक्रपथ, चटकपुर क्याम्पस रोड हुँदै जाखोर ताल सडक, धनगढी गाउँ सडक, बेली सडक, बोराँडाँडी तारानगर सडक, पुरानो भन्सार सडकलगायतको स्तरोन्नति गर्न लागिएको हो उपमहानगरसँग सीमा जोडिएको कैलालीको गोदावरी नगरपालिकामा पनि कार्यान्वयन हुन लागेको सो आयोजनाअन्तर्गत हसनपुर–स्याउले, गेटा अस्पताल – जोनापुर, हरैया– चौराही, लालपुर– चौमाला, लालपुर–गेटा अस्पताल सडक निर्माणलगायत काम गर्न लागिएको छ धनगढी क्षेत्रमा सडक ढललगायत पूर्वाधार निर्माणका लागि कार्यान्वयनमा ल्याइएका ती दुई आयोजना अहिलेसम्मकै सबैभन्दा ठूला आयोजना हुन् । आयोजना पूर्णरुपमा कार्यान्वयन भएपछि यस क्षेत्रको सडकलगायत पूर्वाधारको विकासले फड्को मार्ने विश्वास गरिएको छ ।

प्रकाशित मिति: २०७४,पुष,८,शनिवार ०४:२५

प्रतिक्रिया दिनुहोस !
सम्बन्धित खबरहरु

बारा । पछिल्लो समय सरकारले हप्तैपिच्छे पेट्रोलियम पदार्थको मूल्यवृद्धि गरेको भन्दै बारामा बिरोध प्रदर्शन भएको छ । नेकपा एमाले निकट

सप्तरी । सप्तरीमा राष्ट्रिय एकता अभियानले पेट्रोलियम पदार्थ मूल्य वृद्धिविरुद्ध प्रदर्शन गरेको छ । राजविराजमा मंगलबार पेट्रोलियम पदार्थ मूल्य वृद्धिविरुद्ध

काठमाडौं । धनगढीको फाप्ला क्रिकेट मैदान र चितवनको गौतमबुद्ध क्रिकेट मैदानको निर्माण कार्यको कुरा सरकारले नीति तथा कार्यक्रममा समावेश गरेको

काठमाडौं ।  पूर्वप्रधानमन्त्री तथा जनता समाजवादी पार्टीका संघीय परिषद् अध्यक्ष डा बाबुराम भट्टराईले सरकारको नीति तथा कार्यक्रम सकारात्मक भएको टिप्पणी

ताजा समाचार

देशमा गफाडीहरु जन्मिएका छन् : माधव नेपाल
 २०७९,जेष्ठ,१०,मंगलवार १९:५५
८ घण्टापछि पोखराको मतगणना पुन: सुरु
 २०७९,जेष्ठ,१०,मंगलवार १९:५३