२०७४, २४ भाद्र शनिवार १५:१६

देशको अस्तित्व जोगाउन किसानको योगदान महत्वपूर्ण : प्रधानमन्त्री देउवा


प्रकाशित मिति : २०७४, २४ भाद्र शनिवार १५:१६

ललितपुर, २४ भदौ । प्रधानमन्त्री शेरबहादुर देउवाले देशको अस्तित्व बचाइराख्न किसान वर्गको महत्वपूर्ण योगदान रहेको बताएका छन ।ज्यापु समाज ललितपुरको आज २४ औँ वार्षिक साधारणसभा उद्घाटन गर्दै प्रधानमन्त्री देउवाले देशको गरिमालाई उच्च बनाइराख्न आम नेपालीको योगदान अतुलनीय रहेको बताए । किसान वर्गलाई समेटेर आफ्नो पहिचानलाई सधैँ बचाउन समाजको ठूलो भूमिका रहेको प्रधानमन्त्री देउवाको भनाई थियो ।ललितपुरको कला, धर्म र संस्कृतिलाई जोगाइराख्न पाटनवासीले अतुलनीयरुपमा काम गरेकोेमा प्रधानमन्त्रीले प्रशंसा गरे ।सो अवसरमा समाजको भवनमा अवस्थित संग्रहालयको प्रधानमन्त्री देउवाले अवलोकन गरेका थिए ।समाजका अध्यक्ष प्रेम महर्जनले नेवारी समुदायको हकहित र अधिकारका पक्षमा सधैँ लडिरहने बताए । परम्परादेखि नेवार समुदायले मान्दै आएको कलासंस्कृतिको संरक्षण र जगेर्ना गर्नु समाजको कर्तव्य रहेको उनको भनाइ थियो ।

प्रतिक्रिया दिनुहोस