चलचित्र टिनएजको अडियो जुकबक्स सार्वजनिक, फिल्म असोज २७मा रिलिज हुने

काठमाण्डौं, २३ भदौ ।चलचित्र ‘टिनएज’ को अडियो जुकबक्स रिलिज गरिएको छ । चलचित्रको डिजिटल राइट्स लिएको ओएसआर युट्युव च्यानलले अडियो जुकबक्स सार्वजनिक गरेको हो । ।स्याड र रोमान्टिक भर्सनका गरि ५ वटा गीत चलचित्रमा समावेश गरिएको छ । चलचित्रले टिएनजर्सको कथालाई मुख्य रुपमा उठान गरिएको निर्देशक दिनेश पाख्रिनले बताए । नृत्य निर्देशनमा क्रियाशिल दिनेश पाख्रीनले यो चलचित्रबाट निर्देशनमा समेत हात हालेका छन । फिल्ममा अधिकांस नयाँ कलाकारको बाहुल्यता रहेको छ ।चलचित्रको गीतमा चर्चित गायक राजेश पायल राई देखि दर्शना महर्जनको स्वर सुन्न सकिन्छ । बसन्त सापकोटा र विकास चौधरीले संगीत गरेको गीतको भिडियो क्रमश रिलिज गरिने निर्माण युनिटले जनाएको छ ।प्रतिक्षा खड्का, नरेशविर सिंह लगायतका कलाकार फिल्मको शीर्ष भूमिकामा छन । चलचित्र आगामी असोज २७ गते रिलिज हुँदैछ ।