२१ माघ २०७९, शनिवार

महिला बिरामीको चाप बढेपछि निःशुल्क शिविर एक महिनासम्म

२०७४,भाद्र,२१,बुधबार ०७:०९

0
Shares

भक्तपुर, २१ भदौ ।स्त्रीरोग सम्बन्धी समस्या भएका बिरामीको चाप बढेपछि भक्तपुरको सल्लाघारीस्थित डा इवामुरा मेमोरियल अस्पतालले सञ्चालन गर्दै आएको स्त्रीरोग सम्बन्धी वृहत निःशुल्क स्वास्थ्य शिविरको समय थप एक महिनासम्म बढाइएको छ ।अस्पतालले गतसाउन १५ देखि भदौं १५ गतेसम्मका लागि सञ्चालन गर्ने भनिएको उक्त शिविर आगामी असोज ३१ गतेसम्मका लागि थप गरिएको अस्पतालका व्यवस्थापक रञ्जित मारिखुले आज जानकारी दिए ।अस्पतालले शिविरका लागि दुईजना स्त्रीरोग विशेषज्ञसहितको टोली खटाएर दैनिक ६० जनासम्म बिरामीको स्वास्थ्य परीक्षण गरिहेको उनले जानकारी दिए । एक महिनाको अवधिमा एक हजार भन्दा बढीले शिविरबाट स्वास्थ्य लाभ गरेकामा सात जनाको शल्यक्रिया गरिएको जानकारी दिंदै मारिखुले शिविरमा आएका बिरामीको शल्यक्रिया गर्दा भने लाग्ने शुल्कमा ६० प्रतिशत छुट गरिएको बताए ।शिविरमा ल्याब सेवामा पनि छुट दिइएको छ । त्यसैगरी अस्पतालले शिविरमा पित्तथैली सम्बन्धी स्वास्थ्य सेवा र परामर्श पनि दिइएको छ । थपिएको अवधिमा करिब आठ सयदेखि एक हजारलाई सेवा दिने अस्पतालको लक्ष्य छ ।शिविरमा आमाको कोखमा बच्चा नबस्ने, तल्लो पेट दुखिरहने, महिनावारी गडबडी समस्यालगायतको जाँच, भिडियो एक्सरे सेवा, भिडियो दुर्बिनबाट पाठेघरको शल्यक्रिया, ओभरियन प्रविधिको प्रयोग गरिएको छ ।

प्रकाशित मिति: २०७४,भाद्र,२१,बुधबार ०७:०९

प्रतिक्रिया दिनुहोस !
सम्बन्धित खबरहरु

काठमाडौं । नेपाल र नेपाली डायस्पोरामा मानसिक स्वास्थ्यको समस्या विकराल बन्दै गएको भन्दै स्वास्थ्य विज्ञहरुले चिन्ता व्यक्त गरेका छन् ।

पछिल्लो समय नेपालसहित विश्वाभर नै बाँझोपन अर्थात् निःसन्तानको समस्या बढ्दो छ । पुरुषमा यौन इच्छाको कमी, यौनशक्तिको कमी, वीर्य स्खलन

नर्भिक इन्टरनेशनल हस्पिटलको निःशुल्क ओपिडी अभियान अर्न्तगत यो शनिवार (पुस ३० गते) पहिलोपटक कलेजो सम्बन्धी समस्या भएकाहरुले निःशुल्क परामर्श सेवा

एम.भी. दुगड ग्रुप अध्यक्ष मोतीलाल दुगडको ७६ औं जन्म उत्सवको अवसरमा दुगड ग्रुपको हाइड्रोपावर तथा प्रशारण लाईन सञ्चालित रामेछाप तथा

ताजा समाचार