कारको ठक्करबाट मोटरसाइकल चालकको मृत्यु

रौतहट । कारको ठक्करबाट मोटरसाइकल चालकको मृत्यु भएको छ ।  मृत्यु हुनेमा रौतहटको गरूडा नगरपालिका–३ मलाहिटोल बस्ने ६० वर्षीय बलिराम सहनी रहेका छन् । 

चन्द्रपुर नगरपालिका–४ स्थित सडकमा हेटौडाबाट चपुरतर्फ आउँदै गरेको बा.६ च ३५२६ नम्बरको कारले चपुरबाट निजगढतर्फ जाँदै गरेको ना.३ प ९५१२ नम्बरको मोटरसाइकललाई आइतबार बिहान ठक्कर दिँदा उनको मृत्यु भएको हो  । 

दुर्घटनामा गम्भीर घाइते भएका उनको चपुरस्थित हाइवे ट्रमा सेन्टरमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनालाई थप उपचारको लागि एलएस न्युरो अस्पताल बारातर्फ पठाइएको छ ।  

प्रहरीले कार चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको जनाएको छ ।