मधेस शहिद प्रतिष्ठाका सदस्य मृत फेला

जनकपुरधाम । मधेस शहिद प्रतिष्ठानका सदस्य  रामनरेश राय यादव आज जनकपुरधाममा मृत भेटिएका छन् ।  

सर्लाहीको मलङ्गवा नगरपालिकाको गम्भरिया घर भएका ३७ वर्षीय यादव जनकपुरधामस्थित मधेस प्रदेश भवनभित्र मृत फेला परेका जिल्ला प्रहरी कार्यालय धनुषाका प्रहरी उपरीक्षक भुवनेश्वर तिवारीले जानकारी दिए । 

ओछ्यान  नजिक यादवले वान्ता गरेको पाइएको र उनको मृत्युको कारण खुल्न नसकेको प्रहरीले जनाएको छ । उनको शव परीक्षणका लागि प्रादेशिक अस्पताल जनकपुर लगिएको र  घटनाबारे थप अनुसन्धान भइरहेको प्रहरीले जनाएको छ ।