सुन तस्करी प्रकरण : छानबिनका लागि गृहले बनायो समिति

काठमाडौं । सुन तस्करी प्रकरणको छानबिनका लागि गृह मन्त्रालयले समिति बनाएको छ ।

सुन प्रकरणमा लापरबाही भएको भन्दै प्रहरीमाथि छानबिनका लागि गृहले थप अर्को समिति बनाएको हो ।

गृहको कानुन महाशाखाका सहसचिव भरतमणी रिजालको नेतृत्वमा तीन सदस्यीय समिति बनाइउको हो ।

जसमा रिजालसहित नेपाल प्रहरीका डिआइजी भीमप्रसाद ढकाल र गृहमन्त्रालयकै प्रहरी प्रशासन शाखाका उपसचिव रामबहादुर शाही रहेका छन् ।

सुन तस्करी प्रकरणमा लापरबाही गरेको भन्दै केन्द्रीय अनुसन्धान ब्यूरो (सिआइबी) प्रमुख एआइजी किरण बज्राचार्यसहित एसपी संजयसिंह थापा, डिएसपीद्वय रुगम कुँवर र दुर्गा दाहाल कारबाहीमा परेका छन् ।