विदेशी ब्राण्डको नक्कली मदिरा बनाउने तीन जना ललितपुरबाट पक्राउ

काठमाडौं । ललितपुरमा बिदेशी ब्राण्डको नक्कली मदिरा बनाउने कारखानामा प्रहरीले छापा मारेको छ । प्रहरीले नक्कली मदिरा बनाउने तीन जनालाई पक्राउ गरेको छ ।

ललितपुरको महालक्ष्मी नगरपालिकामा कारखाना सञ्चालन गरेर ब्ल्याक लेबलसहितका विदेशी मदिरा बनाउने कार्यमा संलग्नलाई पक्राउ गरेको हो ।

विशेष सूचनाका आधारमा उपत्यका प्रहरी कार्यालयको टोलीले दोलखाको कालीञ्चोकका निरज पौडेलसहित तीन जनालाई पक्राउ गरेको हो । पक्राउ पर्नेमा एक जना सञ्चालक र दुई जना विक्रेता भएको प्रहरीले जनाएको छ ।

घटनाबारे थप अनुसन्धान भइरहेको प्रहरीले जनाएको छ ।