प्रधानमन्त्री ओलीको लगाव : सांसदमा बढी, संसदमा कम

काठमाडौं – सरकारले स‌ंसद् र सांसदका लागि १२ असारमा दुईवटा कार्यतालिका बनायो। पहिलो, संसदमा हरेक शुक्रबार सरकार र सांसदबीच प्रश्नोत्तर। यसमा प्रधानमन्त्रीले महिनामा दुईपटक र मन्त्रीहरूले दुईपटक सहभागिता जनाउने उल्लेख छ।
अर्को कार्यतालिका छ, नेकपाका सांसद र कार्यकर्तासँग भेटघट। यो हरेक महिनाको १ र १५ मा गर्ने तय भएको छ। प्रधानमन्त्री केपी शर्मा ओलीले सभामुख महराको प्रस्तावमा मन्त्रिपरिषद् बैठकबाटै संसदमा प्रश्नोत्तरको कार्यतालिका तय गरे तर यो अहिलेसम्म कार्यान्वयनमा आएको छैन।  राजधानी दैनिकमा खबर छ ।
 समाचारअनुसार सांसद र कार्यकर्ता भेटको तालिका पनि प्रधानमन्त्रीको निर्देशनपछि सचिवालयले बनायो। यो कार्यतालिका बनाएपछि बनाएपछि भने प्रधानमन्त्री एकपटक पनि कार्यान्वयनमा चुकेका छैनन्। तर, संसद्का लागि बनाएको कार्यतालिकामा भने प्रधानमन्त्री चुकेका छन्।