एजेन्सी : बीबीसी समाचार संस्थालाई समाचार प्रसारण गरेर बेलायती पप गायक सर क्लिफ रिचर्डको नीजत्वमाथि हमला गरेको भन्दै एक अदालतले २ लाख १०हजार पाउन्ड स्टर्लिंग क्षतिपूर्ति तिर्न
फैसला गरेको छ ।
रिचर्डको घरमा प्रहरीले छापा मारेको समाचार छापेको विषयमा अदालतमा परेको मुद्दामा यस्तो फैसला भएको बीबीसीले जनाएको हो ।
नीजत्वसम्बन्धी यो महत्वपूर्ण मुद्दाको फैसला रिचर्डको पक्षमा गएको छ ।
रिचर्डले २०१४मा आफ्नो घरमा भएको प्रहरी छापाको समाचार बीबीसीले प्रसारण गरेर आफ्नो नीजत्व्को हनन गरेको आरोप मुद्दामा लगाएका थिए ।
छापामारी भएपनि उनलाई कहिल्यै पक्राउ गरिएन न त उनका विरूद्ध आरोप तय गरिए ।
बीबीसीले यो विषयमा पुनरावेदन गर्ने विचार गरिरहेको जनाएको छ ।
लन्डनको हाइकोर्टले यो फैसला गरेको हो । यो विषयमा प्रहरीले यसअघि नै माफी मागेको छ ।
तर बीबीसीले त्यतिखेर माफी मागेको थिएन् ।बीबीसीका पदाधिकारीहरूका अनुसार यो मामिला प्रेसको स्वतन्त्रताको विरूद्ध एक महत्वपूर्ण परिवर्तन हो ।
जनतालाई जान्न पाउने अधिकार संकटमा परेको बीबीसीले जनाएको छ ।
न्यायाधीश मानले रिचर्डको नीजत्वको अधिकारलाई बीबीसीले गम्भीर र तरङपूर्ण तरिकाले उल्लंघ गरेको फैसलामा उल्लेख गरेका छन् ।
उनले अभिव्यक्तिको स्वतन्त्रता र प्रेस स्वतन्त्रतासम्बन्धी अधिकार अन्तर्गत गरिएको समाचार प्रसारण सही भएको बीबीसीको तर्कलाई खारिज गरे ।
उनले रिचर्डको घरमा गरिएको छापामारी सार्वजनिक हितको विषय नभएको बताए ।
साथै न्यायाधीश मानले संदिग्ध व्यक्तिको पनि नीजत्व हुने तर्क प्रस्तुत गदै भने “ रिचर्डको घरमा छापामारीको विषय कुरा काट्नेहरूका लागि रूचिको विषय हुन सक्ने भएपनि यो सार्वजनिक हितको
विषय थिएन् ।”
मानवअधिकारको कानुनमा पहिल्यै देखि नीजत्वको अधिकार र अभिव्यक्तिको स्वतन्त्रता एक अर्कासँग जोडिएका मुद्दा हुन् ।
यो मुद्दामा प्रहरीलाई पनि क्षतिपूर्ति तिर्न भनिएको छ ।
बेलायती प्रधानमन्त्री टेरिजा मेले मिडिया र पुलिस दुबैलाई आआफ्ना जिम्मेवारी पहिचातन गर्नुपनै आवश्यकता रहेको बताइन् ।
यो खबर पढेर तपाईलाई कस्तो महसुस भयो ?
प्रतिक्रिया