आज असार १५, देशभर रोपाइँ दिवस मनाइँदै

काठमाडौं । आज असार १५ अर्थात धान दिवस । ‘मानो रोपेर मुरी फलाउने’ दिन ।

नेपाल कृषि अनुसन्धान परिषद् (नार्क) को सिफारिसमा २०६१ मंसिर २९ गतेको मन्त्रिस्तरीय निर्णणबाट असार १५ गतेलाई धान दिवसका रुपमा मनाउन शुरु गरिएको हो । 

‘धान उत्पादनमा वृद्धिः राष्ट्रको समृद्धि’ भन्ने मूलनाराका साथ १५औँ धान दिवस विभिन्न कार्यक्रमको आयोजना गरी देशभर मनाइँदै छ । 

यसवर्ष सरकारले काठमाडौँको दक्षिणकालीमा धान दिवसको आयोजना गरेको छ । 

त्यस्तै आजको दिनलाई दही चिउरा खाने दिनका रुपमा पनि लिइन्छ ।