चीनले बेलायतलाई दियो चेतावनी, भन्यो ‘लद्दाखको विवादमा नमिसिनू’

काठमाडौं । अमेरिका पछि चीनलाई च्यालेन्ज दिन बेलायत आएको छ ।

दक्षिण चीन सागरमा अमेरिकाले आफ्नो सैन्य गस्ती बडाईरहेका बेला बेलायत पनि चीनलाई च्यालेन्ज दिन भन्दै लद्दाखको भारत चीन विवादित क्षेत्रमा प्रवेश गर्न खोजेको छ ।

जसकारण चीनले बेलायतलाई चेतावनी दिएको हो । चीनले बेलायतलाई चीनको आन्तरिक मामिलाका विषयहरुमा र विशेष गरेर विवादित क्षेत्र लद्दाखमा नपर्न भन्दै बेलायतलाई चेतावनी दिएको छ ।

चीनले भनेको छ, यो हाम्रो दुई देशबीचको मामिला हो, हामी भारतसँग छलफल गरेर यो समस्या समाधान गर्नेछौँ ।

बिहीवार भारतमा बेलायतका उच्चायुक्त फिलिप बार्टनले लद्दाखको विषय र चीनको गतिविधिलाई लिएर चिन्ता व्यक्त गरेका थिए ।

जसमाथि चीनले यो प्रतिक्रिया दिएको हो ।

एजेन्सीको सहयोगमा