काठमाडौं । बलिउड अभिनेता सुशान्त सिंह राजपुतको मृत्युको खबरले अहिले सारा बलिउड शोकमा डुबेको छ ।
सुशान्तले आत्महत्या किन गरे भन्ने बारेमा भने अझैसम्म केहि तथ्य पाइएको छैन । पुलिसले सुशान्तको सुसाइडको बारेमा अनुसन्धान गरिरहेको छ ।
अहिलेसम्म पुलिसले १५ जनासँग स्टेटमेन्ट रेकर्ड गरेको छ । साथै पुलिसले वाईआरएफबाट कन्ट्याक्ट कपी पनि पाएको छ ।
भारतीय सञ्चारमाध्यमका अनुसार डीसिपी अभिषेक त्रिमुखीका अनुसार सुशान्त सिंह राजपुतको आत्महत्याबारे एडीआर केसमा बान्द्रा पुलिसले केहि मानिससँग बयान लिएको छ ।
उक्त मानिसहरुले दिएको जानकारीका आधारमा अहिले पुलिसले सुशान्तले किन आत्महत्या गरे भन्ने बारेमा अनुसन्धान गरिरहेको छ ।
इन्भेस्टिगेशन अफिसरले सुशान्त सिंह राजपुतले साइन गरेको कन्ट्याक्ट कपी यश राज फिल्मबाट प्राप्त भएको छ ।
हालै मात्र पुलिसले सुशान्तकी नजिककी साथी रिया चक्रवर्तीलाई स्टेटमेण्टका लागि बोलाएको छ ।
उनीसँग पुलिसले ९ घण्टासम्म सोधपुछ गरेको छ । सुशान्त सिंह राजपुतले मुम्बईको बान्द्रस्थित फ्ल्याटमा झुण्डिएर आत्महत्या गरेका थिए । उनी गत ६ महिना यता डिप्रेशनमा थिए ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया