३ लाख ५० हजार रुपैयाँ बुझाउन नसक्दा अस्पतालमै ‘बन्धक’

उपचारवापतको ३ लाख ५० हजार रुपैयाँ बुझाउन नसक्दा सप्तरीको तिलाठी कोइलाडी गाउँपालिका–८ तोपाकी ललितादेवी खंगले विराटनगरस्थित विराटनगर अस्पतालबाट डिस्चार्ज हुन पाइएकी छैनन् । एक महिने सुत्केरी ललिताका पति गोपीकुमारले रकम जोहो गर्न आफ्नो गाउँ र सदरमुकाम भिख माग्न थालेका छन् । लतिता दलित खत्वे समुदायकी हुन् । उनका पति गोपी मजदुरी गरेर जीविकोपार्जन गर्छन् । कान्तिपुर दैनिकमा यो खबर छ ।