युक्रेनसँगको युद्ध विरामको प्रस्तावमा पुटिनले के भने ?

काठमाडौं । रुस संयुक्त राज्य अमेरिका र युक्रेनले प्रस्ताव गरेको ३० दिने युद्ध विराम योजनाको पक्षमा रहेको रुसी राष्ट्रपति भ्लादिमिर पुटिनले बताएका छन् । 

पुटिनले भ्रमणमा रहेका बेलारुसी राष्ट्रपति अलेक्ज्याण्डर लुकाशेन्कोसँगको पत्रकार सम्मेलनमा यस्तो बताएका हुन् । शत्रुता रोक्ने प्रस्तावहरूसँग सहमत रहेको तर युद्ध विराम दीर्घकालीन शान्तिको लागि नेतृत्व गर्ने र यस संकटको मूल कारणहरूलाई हटाउने गरी हुनुपर्ने उनको भनाइ छ । 

पुटिनले द्वन्द्वको २ हजार किलोमिटर सम्पर्क रेखामा युद्ध विराम उल्लङ्घनको निगरानीमा कठिनाइ भएको उल्लेख गरे । युक्रेनले परिचालन र हतियार आपूर्तिको लागि अस्थायी युद्ध विराम प्रयोग गर्नसक्ने मुद्दा उठाए  । उनले कुस्र्क क्षेत्रको बारेमा सूक्ष्मता उल्लेख गरे । जहाँ रुसी सेनाले अगस्ट २०२४ मा सीमापार आक्रमण गरेपछि युक्रेनी सेनालाई पराजित गर्दै आएका छन् ।