काठमाडौं । नेपाल प्रहरीका प्रमुख (आइजीपी) बसन्त बहादुर कुँवरले सहकारी गठी प्रकरणमा उपप्रधान एवं गृहमन्त्री रवि लामिछानेको विषयमा तथ्य प्रमाणसहितको उजुरी नपरेको स्पष्ट पारेका छन् ।
आज बसेको राज्य व्यवस्था तथा सुशासन समितिको बैठकमा बोल्दै आइजीपी कुँवरले सहकारी ठगी प्रकरणमा ठाडो उजुरी आए पनि तथ्य प्रमाण नभेटिएको बताए ।
त्यस्तै उनले सहकारी ठगी प्रकरणमा लामिछाने काुननी दायरामा पर्ने आधार प्रहरीमा आएको उजुरीमा नभेटिएको समेत बताए ।
‘अहिले आएको सहकारीको विषय सांकेतिक रुपमा यहाँ उठेको छ । मैले ठाडो उजुरीको रुपमा विषय आयो दर्ता भयो । तर अनुसन्धान हेर्दाखेरी कुनै पनि तथ्य प्रमाण भेटिएन ।’ उनले भने, ‘कानुनको दायरामा पनि पर्ने अवस्था छैन । अहिले सांकेतिक रुपमा आएको छ रवि लामिछाने भन्ने अहिलेसम्मको तथ्य प्रमाणमा कुनै पनि तथ्य प्रमाण देखिँदैन ।’
आजको समितिको बैठकमा उठेका सवालका विषयमा उनले जवाफ दिएका छन् ।
यो खबर पढेर तपाईलाई कस्तो महसुस भयो ?
प्रतिक्रिया