राजपथमा मोदीको सपथग्रहण : बधाई दिन प्रधानमन्त्री ओली भारत जाने


प्रकाशित मिति : १० जेष्ठ २०७६, शुक्रबार १०:५४

काठमाडौं । प्रधानमन्त्री केपी शर्मा ओली दिल्लीस्थित राजपथ जाने भएका छन् । 

मे ३० गते बिहीवार अर्थात् जेठ १६ गते दिल्लीस्थित राजपथमा हुने भारतीय प्रधानमन्त्री नरेन्द्र मोदीको शपथग्रहण समारोहमा सहभागी हुने प्रधानमन्त्री ओली नयाँदिल्ली जान लागेका हुन् । 

गत चैत २३ गतेदेखि शुरु भएको भारतीय लोकसभा चुनावमा विजय हुँदै मोदी पुनः दोस्रो पटक भारतीय प्रधानमन्त्री बनेका हुन् । 

कुल ५ सय ४३ सिटका लागि ७ चरणमा सम्पन्न निर्वाचनको मतगणना अनुसरा बहुमतका लागि २ सय ७२ सिट चाहिनेमा भारतीय जनता पार्टी एक्लैले ३ सय ३ सिट जितेको छ ।

उसको गठबन्धनले भने जितेका सबै सिट जोड्दा ३ सय ५० भन्दामाथिको अनुमान गरिएको छ । 

यसैगरी सपथग्रहरणको एक महिनापछि मोदी नेपाल भ्रमणमा आउने भएका छन् । 

भारतीय श्रोतका अनुसार भारत सरकारको अनुदान सहयोगमा निर्माण भएको जनकपुर–जयनगर रेल सेवाको उद्घाटनका लागि मोदी नेपाल आउन लागेका हुन् ।

यसअघि आफ्नो पहिलो कार्यकालमा ४ पटक नेपाल भ्रमणमा आइसकेका मोदीलाई दोस्रो कार्यकालको प्रारम्भमै सरकारी स्तरबाट नेपाल भ्रमणको निम्तो दिने तयारी भइरहेको भौतिक पूर्वाधार तथा यातायात मन्त्रालयले जानकारी दिएको छ । 

‘जनकपुरदेखि जयनगरसम्म सञ्चालन हुने रेलको उद्घाटन नेपाल र भारतका प्रधानमन्त्रीले संयुक्त रूपमा गर्ने तयारी सहित हामी अघि बढिरहेका छौं,’ यातायात मन्त्री रघुविर महासेठले भने ।

भारतीय दूतावासमार्फत मोदीलाई पत्राचार गर्ने तयारी भइरहेको उनले बताए । 

‘नेपाल सरकारका प्रधानमन्त्री केपी शर्मा ओली र भारतीय प्रधानमन्त्रीले संयुक्त रूपमा रेललाई हरियो झण्डा देखाएर उद्घाटन गर्ने तयारी छ’ मन्त्री महासेठले भने, ‘त्यसका लागि नेपाल सरकारले काठमाडौंस्थित भारतीय राजदूतावासमार्फत पत्राचार गर्ने मन्त्रालयले तयारी गरेको छ ।’
 

Tags :
प्रतिक्रिया दिनुहोस
असोजभित्र बोलपत्र नभएका परियोजनाको रकम फिर्ता लिइन्छ : मन्त्री बाँस्कोटा

काठमाडौं । सञ्चार तथा सूचना प्रविधिमन्त्री गोकुलप्रसाद बाँस्कोटाले चालू आर्थिक वर्षको बजेटअन्तर्गत बोलपत्रको

सामाजिक सुरक्षा र न्यूनतम पारिश्रमिक अनिवार्य गर्छौं : मन्त्री विष्ट

काठमाडौं । श्रम, रोजगार तथा सामाजिक सुरक्षामन्त्री गोकर्ण विष्टले सबै क्षेत्रमा काम गर्ने

विरोधलाई स्वभाविक रुपमा लिनुपर्छ : नेता श्रेष्ठ

काठमाडौं । नेपाल कम्युनिष्ट पार्टी (नेकपा) का नेता नारायणकाजी श्रेष्ठले सरकार र पार्टीको

समृद्धिका लागि विज्ञान र प्रविधिलाई उत्पादनसँग जोड्न प्रधानमन्त्रीको आग्रह

काठमाडौं । प्रधानमन्त्री केपी शर्मा ओलीले विज्ञान र प्रविधिलाई उत्पादनसँग जोडेर ‘समृद्ध नेपाल,