चितवन । नेपाली कांग्रेसका केन्द्रीय सदस्य प्रदीप पौडेलले केपी ओली नेतृत्वको सरकारलाई शाही सरकारको संज्ञा दिएका छन् ।
उनले सरकारको पछिल्लो गतिविधि शाहीकालको झल्को दिने खालको भएको टिप्पणी गरेका छन् । उनले नेकपा सरकारको शाही प्रवृत्तिविरुद्ध जनस्तरबाट नै प्रतिवाद गर्ने समय आएको बताए ।
नेपाल शिक्षक सङ्घ चितवनको ३० औँ स्थापना दिवसका अवसरमा भरतपुरमा आयोजित कार्यक्रममा पौडेलले संवैधानिक मर्म र भावना विपरीत दुई तिहाइको बलमा प्रेसमाथि अङ्कुश लगाउन खोजिएको बताए ।
सरकारको प्रेसमाथि अङ्कुश लगाउने प्रयास कांग्रेसलाई कुनै सर्तमा स्वीकार्य नहुने पौडेलले बताए ।
पौडेलले मानव अधिकार आयोगलाई महान्यायधिवक्ताको मातहत राख्न खोज्नु निरंकुशतावादी सोच भएको टिप्पणी पनि गरे ।
अर्को प्रसंगमा उनले सार्वजनिक शिक्षा सुधारमा शिक्षकहरूको भुमिका महत्वपूर्ण रहने बताए ।
www.lokpath.com को युट्युब च्यानलमा प्रशारण हुने कार्यक्रम ह्यासट्याग स्माइलको एपिसोड 31 छुटाउनुभयो कि ? हेर्नलाई भिडियो लिंक क्लिक गर्नुहोस् :-
यो खबर पढेर तपाईलाई कस्तो महसुस भयो ?
प्रतिक्रिया