त्रिविको २०औँ उपकुलपतिमा प्रा.डा केशरजंग बराल नियुक्त

काठमाडौं । त्रिभुवन विश्वविद्यालयको २०औँ उपकुलपतिमा प्रा.डा केशरजंग बराल नियुक्त भएका छन् ।

अन्तिम छनोटमा रहेका तीन जनाबाट बरालको नाम अनुमोदित भएको हो ।

शिक्षामन्त्री अशोक राईको अध्यक्षतामा गठित छनोट समितिले बरालसहित चित्रबहादुर बुढाथोकी र टंकनाथ धमलाको नाम सिफारिस गरेको थियो ।

सोही आधारमा आज प्रधानमन्त्री तथा त्रिविको कुलपति कार्यालयले बिहीबार बराललाई नियुक्त गरेको हो ।

बराल पोखरा विश्वविद्यालयका पूर्व उपकुलपति हुन् । व्यवस्थापन संकायका प्राध्यापक रहेका बरालले भारतको दिल्ली विश्वविद्यालयबाट विद्यावारिधी गरेका थिए ।

गत कार्तिकबाट त्रिविको उपकुलपतिको पद रिक्त भएको थियो । तत्कालिन उपकुलपति धर्मकान्त बास्कोटाको पदावधी सकिएपछि रिक्त पदमा दलीय भागबण्डाको आधारमा नियुक्ती हुन नहुने भन्दै सरकारको आलोचना भएको थियो ।