५५ किलो भन्दा बढी अवैध गाँजा बरामद

काठमाडौं । ५५ किलो भन्दा बढी अवैध गाँजा प्रहरीले बरामद गरेको छ ।  त्रिभुवन अन्तर्राष्ट्रिय विमानस्थल भन्सार कार्यालयको कार्गो कम्प्लेक्सबाट अवैध लागुऔषध गाँजा ५५ किलो ३२ ग्राम बुधबार प्रहरीले बरामद गरेको छ ।

कतार एयरवेजबाट अमेरिका हुँदै नेपाल आएका २४ वटा कार्टुनहरु शंकास्पद देखिएपछि लागुऔषध नियन्त्रण व्यूरो कोटेश्वरबाट खटिएको प्रहरीले जाँच गर्ने क्रममा म्युजिकल बक्साहरुभित्र लुकाइ ल्याएको उक्त गाँजा फेला पारी बरामद गरेको हो ।

यस सम्बन्धमा आवश्यक अनुसन्धान गरिरहेको प्रहरीले जनाएको छ ।