काठमाडौं । प्रमुख प्रतिपक्षी दल नेकपा एमालेले पशुपतिमा लगाइएको जलहरी सुन वा पित्तल के को हो प्रष्ट पार्न माग गरेको छ ।
आज बसेको प्रतिनिधि सभा बैठकमा एमालेले आफ्ना दलका अध्यक्ष समेत रहेका तत्कालिन प्रधानमन्त्री केपी शर्मा ओली माथि भ्रष्टाचारको आरोप लगाइएको भन्दै आपत्ति जनाएको छ ।
गत १० जेठमा बसेको बैठकमा माओवादी सांसद लेखनाथ दाहालले ओलीले पशुपतिमा जलहरी लगाउने क्रममा नक्कली जलहरी लगाएर भ्रष्टाचार गरेको आरोप लगाएका थिए ।
बैठकको शुरुमा एमाले प्रमुख सचेतक पदम गिरीले सत्तापक्षले नै प्रमुख प्रतिपक्षीमाथि आरोप लगाइएको भन्दै त्यसको छानबिन गर्न माग गरे । त्यस्तै दाहालले लगाइएको आरोप रेकर्डबाट हटाउनेसहित पशुपतिको जलहरी सुन हो या पित्तल प्रष्ट पार्न माग समेत गरेका छन् ।
एमाले सांसदहरुको अवरोधपछि प्रतिनिधि सभाको बैठक २० मिनेटको लागि स्थगित भएको छ ।
यो खबर पढेर तपाईलाई कस्तो महसुस भयो ?
प्रतिक्रिया