बढ्न थाल्यो कोरोना संक्रमण, ४४४ पुगे सक्रिय संक्रमित

काठमाडौं । नेपालमा पछिल्लो २४ घण्टामा थप १२४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ७७ जनामा पीसीआर र ४७ जनामा एन्टीजेन पुष्टि भएको हो ।

त्यसैगरी थप २९ जना कोरोना संक्रमणमुक्त भएका छन् ।

पछिल्ला दिनहरुमा कोरोना संक्रमितको संख्या बढेसँगै नेपालमा सक्रिय कोरोना संक्रमितको संख्या ४४४ पुगेको स्वास्थ्य तथा जनसंख्या मन्त्रालयले जनाएको छ ।

पछिल्ला दिनमा नेपालमा कोरोना संक्रमणदर बढिरहेको छ ।