श्रीमती र छोराछोरीले हेँला गरेको भन्दै आत्मदाह गर्न हिँडेका व्यक्ति प्रहरी नियन्त्रणमा

काठमाडौं । श्रीमती र छोराछोरीले हेँला गरे भन्दै आत्मदाह गर्न हिँडेका एक पुरुषलाई प्रहरीले नियन्त्रणमा लिएको छ ।

काठमाडौंको नयाँ बानेश्वरस्थित संसद भवन अघि पेट्रोल छर्किएको अवस्थामा मकवानपुरका ५३ वर्षीय पुरुषलाई प्रहरीले नियन्त्रणमा लिएको काठमाडौं प्रहरी परिसरका प्रमुख दानबहादुर काकीले लोकपथलाई जानकारी दिए ।

‘उहाँको साथमा पेट्रोल पनि फेला परेको थियो,’ उनले भने, ‘अहिले उहाँ प्रहरीको साथमा हुनुहुन्छ ।’

प्रहरीले सोधपुछ गर्दा उनले श्रीमती र छोराछोरीले हेँला गरेको भन्दै कान्तिपुर, ग्यालेक्सी, योहो लगायतका टेलिभिजनसँग सहयोग माग्दासमेत नपाएको बताएको कार्कीले बताए ।

आज नै उनलाई परिवार तथा आफन्तको जिम्मा छोडिने उनले जानकारी दिए ।