मिटरब्याज पीडितलाई पस्न नदिन महानगरले खुलामञ्चमा लगायो ताल्चा

काठमाडौं । महोत्तरीबाट हिँडेर काठमाडौं आइपुगेका मिटरब्याजी पीडितहरुलाई काठमाडौं महानगरले खुलामञ्चमा बस्न नदिने भएको छ ।

महोत्तरीबाट आइतबार काठमाडौंको मातातीर्थमा आइपुगेका थिए । उनीहरुले खुलामञ्चमा आएर बस्ने र प्रदर्शन गर्ने तयारी गरेसँगै महानगरले ताल्चा लगाएर सुरक्षा दिएको छ ।

यता महानगरका प्रहरी प्रमुख राजु पाण्डे भने उनीहरुलाई पशुपतिको धर्मशाला खाली रहेको भन्दै त्यहाँ आउन नदिने बताउँछन् । सुरक्षाका लागि खुलामञ्चमा ताल्चा लगाउने गरेको बताउँदै उनले उनीहरुले कुनै पनि अनुमति नलिएको कारण त्यहाँ बस्न नदिने लोकपथलाई बताए ।

‘सुरक्षाको दृष्ट्रिकोणले खुलामञ्चमा सधैँ ताल्चा लगाइन्छ । उनीहरुलाई बस्नका लागि पशुपतिको धर्मशालामा बस्ने व्यवस्था छ ।’ पाण्डेले लोकपथसँग भने, ‘कुनै पनि अनुमति नलिएको कारण यहाँ बस्न र पस्न पाइँदैन ।’

लामो समय आन्दोलन गरेको मिटरब्याज पीडितहरु ११ दिन हिँडेर महोत्तरीबाट काठमाडौं आइपुगेका छन् । सरकारलाई त्यसबारेमा ध्यानाकर्षण गराउने भन्दै उनीहरु काठमाडौं आएका हुन् ।