नियन्त्रित लागूऔषधसहित २ जना पक्राउ

पाल्पा । पाल्पामा नियन्त्रित लागूऔषधसहित २ जना पक्राउ परेका छन् ।

तिनाउ गाउँपालिका-३ झुम्साबाट नियन्त्रित लागूऔषध नुर्फिन ५० एम्पुल, डाइजेपाम ५० एम्पुल र फेनारगन ५० एम्पुलसहित कास्की अन्नपूर्ण गाउँपालिका-५ बिरेठाटी बस्ने ३५ वर्षीय संजय मुल्मीसमेत २ जनालाई शुक्रबार साँझ प्रहरीले पक्राउ गरेको हो ।

प्रहरी चौकी दोभानबाट खटिएको प्रहरीले ग ३ च ५९०१ नम्बरको कारलाई जाँच गर्ने क्रममा कारमा सवार उनीहरुलाई उक्त लागूऔषधसहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।