हाल कति नेपाली विदेशमा छन् ?

काठमाडौं । हाल झण्डै २२ लाख नेपालीहरु विदेशमा रहेको पाइएको छ ।

शुक्रबार सार्वजनिक जनगणना–२०७८ को तथ्यांक अनुसार हाल २१ लाख ९० हजार ५ सय ९२ जना वैदेशिक रोजगारी र अन्य शिलशिलामा विदेशमा रहेको देखिएको हो । जसमध्ये १७ लाख ९९ हजार ६ सय ७५ जना पुरुष र ३ लाख ९० हजार ९ सय १७ महिला रहेका छन् ।

कुल १५ लाख ५५ हजार ९ सय ६१ परिवारबाट विदेशमा रहेका पाइएको सार्वजनिक तथ्यांकमा उल्लेख गरिएको छ ।

अघिल्लो जनगणना–२०६८ भन्दा २ लाख भन्दा बढी विदेशमा रहेको पाइएको छ । २०६८ को जनगणना अनुसार १९ लाख २१ हजार ४ सय ९४ जना विदेशमा रहेका थिए ।

सार्वजनिक जनगणनाको तथ्यांक अनुसार हाल नेपालको जनसंख्या २ करोड ९१ लाख ६४ हजार ५ सय ७८ रहेको छ ।