काठमाडौं । नक्कली कागजात बनाउने कार्यमा संलग्न रहेको आरोपमा प्रहरीले एक जनालाई पक्राउ गरेको छ । पक्राउ पर्नेमा तेह्रथुमको म्याङ्लुङ नगरपालिका वडा नम्बर १ घर भई हाल काठमाडौँको माछापोखरी बस्ने ३४ वर्षीय सोनाम नेपाल रहेका छन् ।
उनले सञ्चालन गरेको युनाइटेड इन्टरप्राइजेज एण्ड ट्रेनिङ सेन्टरमा सरकारी जागिरमा आवद्ध रहेको व्यक्तिको शैक्षिक प्रमाण पत्र तथा विभिन्न तालिमहरुका नक्कली प्रमाण पत्र बनाउने गरेको भन्ने सूचनाको आधारमा प्रहरी खानतलासीका लागि पुगेको थियो ।
सो क्रममाविभिन्न संघ संस्थाका लेटरप्याडहरु र छापहरु फेला पारी बरामद गरिएको बिहीबार आयोजित पत्रकार सम्मेलनमा जिल्ला प्रहरी परिसर काठमाडौंले जानकारी दियो । पक्राउ परेका व्यक्तिउपर मुलुकी अपराध संहिता, २०७४ को परिच्छेद अन्तर्गतको लिखत सम्बन्धि कसुरको (किर्ते गर्न नहुने) कसुरमा थप अनुसन्धान भैरहेको प्रहरीले जनाएको छ ।
