पूर्वसचिव रामेश्वर खनालले गरे दोस्रो विवाह

काठमाडौं । पूर्व अर्थसचिव रामेश्वर खनालले दोस्रो विवाह गरेका छन् । माघ १२ गते श्रीपञ्चमीका दिन उनले सरिता शर्मा पोखरेलसँग नयाँ जीवनको शुरुवात गरेका हुन् ।

२०७६ असोजमा श्रीमती सचित्राको क्यान्सरका कारण निधन भएपछि खनालले एकल जीवन बिताइरहेका थिए । खनालले १९ वर्षदेखि नै एकल जीवन बिताइरहेकी शर्मासँग विवाह गरेका हुन् ।

आफ्ना आफन्त र परिवारको प्रस्ताव स्वीकार्दै सहयात्रा गर्ने अर्थात् लिभिङ टुगेदरमा रहने निर्णयमा पुगेको खनालले बताएका छन् । खनाल र शर्मा दुबैको एक एक जना छोरी छन् ।

पारम्परिक रुपमा विवाह गरेको नभई श्रीपञ्जमीको दिन पारिवारिक सदस्यहरुबीच केक काटेर लिभिङ टुगेदरको आरम्भ गरेको खनालले बताएका छन् । सरिताको गृहजिल्ला दाङ हो । शर्माले पनि विवाहको ६ वर्षमै पति वियोग सहेकी थिइन् ।